ხატია დეკანოიძე პარტია "ერთიან ნაციონალურ მოძრაობაში" დაბრუნდა. ამის შესახებ "ერთიანი ნაციონალური მოძრაობის" პარტის ოფისში მიმდინარე ბრიფინგზე ეროვნული კომიტეტის თავმჯდომარე კობა ნაყოფიამ განაცხადა.

როგორც ნაყოფიამ აღნიშნა, დეკანოიძე საქართველოს მესამე პრეზიდენტის, მიხეილ სააკაშვილის მიერ ინიცირებული ეროვნული კომიტეტის თავმჯდომარის მოადგილის პოზიციას დაიკავებს.

"ერთიანობა ნაციონალური მოძრაობის" რიგებში ბრუნდება ხატია დეკანოიძე, რაც მისასალმებელია. ხატია დეკანოიძე დღეიდან შეუდგება საქმიანობას მიხეილ სააკაშვილის მიერ ინიცირებული ეროვნული კომიტეტის თავმჯდომარის მოადგილის პოზიციაზე", - განაცხადა კობა ნაყოფიამ.

თავის მხრივ ხატია დეკანოიძემ აღნიშნა, რომ "ნებისმიერი პოლიტიკოსი უნდა დადგეს ყოველგვარ ეგოცენტრულობაზე, საკუთარ თავზე მაღლა, რადგან ქვეყანა არის უმძიმესი საფრთხის ქვეშ".

"ნებისმიერ შემთხვევაში, ნებისმიერი პოლიტიკოსი უნდა დადგეს ყოველგვარ ეგოცენტრულობაზე, საკუთარ თავზე მაღლა, რადგან ქვეყანა არის უმძიმესი საფრთხის ქვეშ.  ახლა მთავარი ფოკუსი უნდა იყოს ივანიშვილის წინააღმდეგ ბრძოლა", - განაცხადა "ერთიანი ნაციონალური მოძრაობის" ეროვნული კომიტეტის თავმჯდომარის მოადგილემ, ხატია დეკანოიძემ.

ცნობისთვის, ხატია დეკანოიძემ "ნაციონალური მოძრაობა" 2024 წლის მარტში დატოვა.

ავტორი: ექსპრესნიუსი,

სოციალური ქსელები

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის

სოფელ ბერშუეთის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია

პაპუაშვილი – ევროკავშირი და მისი საელჩო ძალადობის მხარდაჭერის ტესტში საკმარისზე მეტჯერ ჩაიჭრნენ