ჩვენი გამარჯვება მხოლოდ გადაიდო,- ამის შესახებ საფრანგეთის ულტრამემარჯვენე "ეროვნული გაერთიანების" ლიდერმა, მარინ ლე პენმა განაცხადა.

ლე პენმა, ქვეყნის საპარლამენტო არჩევნებში ხმების რაოდენობით მესამე ადგილზე გასვლის მიუხედავად, ოპტიმისტური განცხადება გააკეთა და თქვა:

"ხვალინდელი გამარჯვების მარცვალს მე დღევანდელ შედეგებში ვხედავ".

შეგახსენებთ, საფრანგეთის ვადამდელ საპარლამენტო არჩევნებში ყველაზე მეტი ხმა მემარცხენე პარტიების კოალიციამ, სახელწოდებით "ახალი სახალხო ფრონტი" მოპოვა. მას პარლამენტში 182 მანდატი ექნება. მეორე ადგილზე გავიდა პრეზიდენტ ემანუელ მაკრონის კოალიცია 163 მანდატით, ხოლო მესამე და ბოლო ადგილი დაიკავა მარინ ლე პენის ულტრამემარჯვენე "ეროვნულმა გაერთიანებამ", რომელსაც 143 მანდატი შეხვდა.

საფრანგეთის პრეზიდენტმა, ემანუელ მაკრონმა ვადამდელი საპარლამენტო არჩევნები  მას შემდეგ დანიშნა, რაც ევროპარლამენტის არჩევნებში მისი ცენტრისტული ალიანსი "ეროვნულ გაერთიანებასთან" დამარცხდა.

ავტორი: ექსპრესნიუსი,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა