ცვლილება ახლა იწყება,- ამის შესახებ "ლეიბორისტული პარტიის" ლიდერმა, კირ სტარმერმა განაცხადა მას შემდეგ, რაც მისმა პარტიამ, ეგზიტპოლის მიხედვით, დიდი ბრიტანეთის ვადამდელ საპარლამენტო არჩევნებში გამარჯვება მოიპოვა. 

როგორც სტარმერმა აღნიშნა, "მსგავსი მანდატის ქონა დიდ პასუხისმგებლობას იწვევს".

"ამისთვის თქვენ ჩაატარეთ კამპანია, იბრძოლეთ, მიეცით ხმა. ცვლილება ახლა იწყება. გულწრფელად უნდა ვთქვა, რომ ეს ძალიან კარგი გრძნობაა. შეცვლილი "ლეიბორისტული პარტია“ მზად არის, ემსახუროს ჩვენს ქვეყანას...

ჩვენ უნდა დავაბრუნოთ პოლიტიკა საჯარო სამსახურში, ვაჩვენოთ, რომ პოლიტიკა შეიძლება იყოს სიკეთის ძალა",- თქვა "ლეიბორისტული პარტიის" ლიდერმა.

აღსანიშნავია, რომ სტარმერს არჩევნებში გამარჯვება დიდი ბრიტანეთის მოქმედმა პრემიერ-მინისტმა, რიში სუნაკმა უკვე მიულოცა.

შეგახსენებთ, "კონსერვატორების" 14-წლიანი მმართველობის შემდეგ, დიდი ბრიტანეთის ვადამდელ საპარლამენტო არჩევნებში, ეგზიტპოლის მიხედვით, "ლეიბორისტულმა პარტიამ" გაიმარჯვა. თემთა პალატის 650-კაციან შემადგენლობაში "ლეიბორისტები" 410 ადგილს დაიკავებენ, ქვეყნის პრემიერ-მინისტრი კი, მათი ლიდერი კირ სტარმერი გახდება. რაც შეეხება "კონსერვატორებს, მათი რაოდენობა 131 დეპუტატამდე შემცირდება.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს