საქართველოს ბიომრავალფეროვნების მონიტორინგის სახელმწიფო სისტემის საკოორდინაციო საბჭოს რიგით მეორე შეხვედრა გაიმართა. საბჭომ საქართველოს წითელი ნუსხის განახლების პროცესის საკითხები განიხილა.

შეხვედრის ფარგლებში, საბჭოს წევრებმა სახეობათა აღდგენის ეროვნული გეგმის პროექტი  განიხილეს, რომელიც სრულად შეესაბამება  საერთაშორისო სტანდარტებს. აღნიშნული გეგმის დამტკიცების შემდეგ, ინდივიდების აღდგენის პროცესი დაიწყება.       

საკოორდინაციო საბჭოს სხდომას გარემოს დაცვისა და სოფლის მეურნეობის სამინისტროს ბიომრავალფეროვნებისა და სატყეო დეპარტამენტის უფროსი კარლო ამირგულაშვილი ხელმძღვანელობდა.

„ეროვნული წითელი ნუსხის განახლება ძალიან მნიშვნელოვანია ჩვენი ქვეყნის ბიომრავალფეროვნების დაცვისთვის. მეცნიერებთან და ექსპერტებთან ერთად, განისაზღვრება კვლევებზე დაფუძნებული ნუსხა. აღსანიშნავია, რომ პარლამენტში დაიწყო ბიომრავალფეროვნების შესახებ კანონპროექტის განხილვა. ამ კანონის ძალაში შესვლის შემდეგ, ქვეყანაში სახეობებს უკვე საერთაშორისო სტანდარტის შესაბამისად განესაზღვრებათ საკონსერვაციო სტატუსი“, - განაცხადა კარლო ამირგულაშვილმა.

შეხვედრაზე აღინიშნა ქვეყანაში ბიომრავალფეროვნების შენარჩუნების, კონსერვაციისა და მონიტორინგის პრიორიტეტულობის საკითხი და ხაზი გაესვა გაეროს განვითარების პროგრამის (UNDP), კავკასიის ბუნების ფონდის (CNF) და შვედეთის მთავრობის (SIDA) აღნიშნული მიმართულებით განსაკუთრებული მხარდაჭერის მნიშვნელობას.

ინფორმაციას გარემოს დაცვისა და სოფლის მეურნეობის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

უკრაინაში კიდევ ერთი ქართველი მებრძოლი ბაჩო ბებია დაიღუპა

კალასი: საქართველო დემოკრატიის უკუსვლიდან შემობრუნების არანაირ ნიშანს არ აჩვენებს

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე