ვახტანგ მაისურაძე კასპის რამდენიმე ქუჩაზე წყალარინების ქსელის სარეაბილიტაციო სამუშაოებს გაეცნო

2024-06-24 12:25:25, 333 ნახვა

რეგიონი

კასპის მუნიციპალიტეტის მერი ვახტანგ მაისურაძე და საკრებულოს თავმჯდომარე შოთა ბეგლარაშვილი კასპში გოგებაშვილის, ასათიანის და ბარნოვის ქუჩებზე წყალარინების ქსელის სარეაბილიტაციო სამუშაოების მიმდინარეობას გაეცნენ. ამის შესახებ ინფორმაციას კასპის მერია ავრცელებს.

მერიის ცნობით, მიმდინარე წელს ქალაქში საგზაო ინფრასტრუქტურის მოწყობა ადგილობრივი მნიშვნელობის 11 ქუჩაზე განხორციელდება.

მათივე ინფორმაციით, აღნიშნული ქუჩებიდან წყალარინების სისტემა 9 ქუჩაზე მოეწყობა.

"პროექტი რეგიონის განვითარების ფონდის და კასპის მუნიციპალიტეტის მერიის თანადაფინანსებით ხორციელდება.

პროექტს ელექტრონულ ტენდერში გამარჯვებული შპს "ქცია" ახორციელებს",- ნათქვამია მერიის ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),