ზუგდიდში სამი მამაკაცის მკვლელობაში ბრალდებულის საქმეზე სასამართლო ხვალ იმსჯელებს

2016-02-15 17:01:33, 705 ნახვა

სამართალი

ზუგდიდში სამი მამაკაცის მკვლელობაში ბრალდებულის საქმეზე ზუგდიდის საქალაქო სასამართლო ხვალ იმსჯელებს. მას ბრალი ოფიციალურად დღეს წარედგინა.

დაცვის მხარე აცხადებს, რომ საქმეში არცერთი მტკიცებულება არ არსებობს. ადვოკატის თქმით, ბრალდებულს დანაშაული არ ჩაუდენია და მის მიმართ არსებობდა გარკვეული უწყებების მიმართ ინტერესი და ხორციელდებოდა მასზე ზეწოლა.

დაკავებულს სოფელ ურთადან გაუჩინარებული სამი მამაკაცის მკვლელობა ედება ბრალად. გარდაცვლილები ქუთაისში ექსპერტიზის ბიუროში გადაასვენეს. იქ გარდაცვლილების ოჯახის წევრებიც იმყოფებოდნენ. გარდაცვლილებს, ექსპერტიზის ჩატარების შემდეგ, ოჯახებში გადაასვენებენ. შეგახსენებთ, რომ სოფელ ურთადან გაუჩინარებული სამი მამაკაცი სოფელ ნარაზენში გარდაცვლილი იპოვეს. მკვლელობაში ბრალდებული დაკავებულია. სამართალდამცველბმა ის დამამძიმებელ გარემოებაში განზრახ მკვლელობის ბრალდებით აიყვანეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან