2024-06-12 16:47:00, 631 ნახვა

---

გენშტაბი - უკრაინის შეიარაღებულმა ძალებმა დროებით ოკუპირებულ ყირიმში რუსეთის საზენიტო სარაკეტო სისტემებს დაარტყეს

უკრაინის შეიარაღებულმა ძალებმა დროებით ოკუპირებულ ყირიმში რუსეთის საზენიტო სარაკეტო სისტემებს დაარტყეს. ამის შესახებ ინფორმაციას BBC-ის რუსულენოვანი ბიურო უკრაინის გენერალურ შტაბზე დაყრდნობით ავრცელებს.

გენშტაბის ცნობით, დარტყმების სამიზნეს ბელბეკსა და სევასტოპოლთან არსებული სისტემები წარმოადგენდა.

"დარტყმის შედეგად S-300 და S-400 კომპლექსების 2 რადარი განადგურდა. მესამე რადარის შესახებ ინფორმაცია ზუსტდება",- აღნიშნულია გენშტაბის ინფორმაციაში.

გენერალური შტაბი ასევე იტყობინება, რომ საბრძოლო მასალა აფეთქდა 3 რაიონში, სადაც  საზენიტო-სარაკეტო სისტემები იყო განთავსებული.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი