2024-06-12 16:15:29, 498 ნახვა
მსოფლიო
Reuters - ქუვეითში გაჩენილ ხანძარს 41 ადამიანი ემსხვერპლა
ქუვეითში, მუშათა საცხოვრებელ სახლში გაჩენილ ხანძარს 41 ადამიანი ემსხვერპლა. ამის შესახებ ინფორმაციას Reuters-ი ვიცე-პრემიერ შეიხ ფაჰად იუსუფ საუდ ალ-საბაჰზე დაყრდნობით ავრცელებს.
მედიის ცნობით, ათობით ადამიანის გადარჩენა მოხერხდა.
ვიცე-პრემიერის განცხადებით, პასუხისმგებლობა უძრავი ქონების მფლობელებს ეკისრებათ.
„სამწუხაროდ, უძრავი ქონების მფლობელების სიხარბე იწვევს ასეთ საკითხებს“, - განაცხადა ვიცე-პრემიერმა.
როგორც მედია აღნიშნავს, ამ ეტაპზე ხანძარი ლოკალიზებულია და საქმეზე გამოძიება მიმდინარეობს.
ავტორი: ექსპრესნიუსი,
epn.ge (@expressnews.ge)
