2016-02-15 09:58:57, 725 ნახვა
ეკონომიკა
კახა კალაძე დღეს ირანში გაემგზავრება
საქართველოს ენერგეტიკის მინისტრი კახა კალაძე დღეს ოფიციალური ვიზიტით ირანს ეწვევა. როგორც კალაძემ ჟურნალისტებს განუცხადა, ვიზიტის ფარგლებში ის ირანელ კოლეგას, საგარეო საქმეთა მინისტრსა და ვიცე-პრემიერს შეხვდება.
მინისტრის თქმით, ირანი მზადაა, საქართველო ბუნებრივი აირით მოამარაგოს.
"ირანის ელჩმა განაცხადა, რომ ის გამოთქვამს მზადყოფნას, საქართველო ბუნებრივი აირით მოამარაგოს. ჯერჯერობით ამ საკითხის ირგვლივ კონკრეტიკაზე არ გვისაუბრია. ირანიდან გაზის შემოყვანა მხოლოდ ორი გზით-აზერბაიჯანიდან და სომხეთის გავლითაა შესაძლებელი“, - განაცხადა კახა კალაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
