„რუსული კანონით არ ვიცხოვრებთ!“ - დღეს პარლამენტთან აქცია გაიმართება

2024-05-28 09:26:50, 1445 ნახვა

სპეციალური ანონსი

თბილისში, პარლამენტის სასახლესთან დღეს, 28 მაისს აქცია გაიმართება.

როგორც აქციის ორგანიზატორების მიერ სოციალურ ქსელში გავრცელებულ განცხადებაშია აღნიშნული, აქცია, სახელწოდებით "რუსულ კანონთან ერთად არ ვიცხოვრებთ!" რუსთაველის გამზირზე 17:00 საათზე დაიწყება.

"28 მაისს საქართველოს პარლამენტი რუსულ კანონზე საქართველოს პრეზიდენტის ვეტოს დაძლევას შეეცდება. ყველა ის დეპუტატი, რომელიც საქართველოს ევროატლანტიკურ მომავალს მხარს უჭერს, ვეტოს დაძლევის წინააღმდეგ საკუთარ პოზიციასა და ქართველი ხალხის ინტერესს პარლამენტში დაიცავს.

ჩვენ ვიკრიბებით პარლამენტთან, რათა ჩვენი ხმა გარედან გავაგონოთ მათ, ვინც საქართველოს მომავლის დანგრევას ცდილობს. ხმამაღლა ვუთხრათ, რომ ქართველი ხალხი რუსული კანონით არ იცხოვრებს! კი ევროპას! არა რუსულ კანონს!" - ნათქვამია ორგანიზატორების განცხადებაში.

შეგახსენებთ, დღეს, 28 მაისს პარლამენტი "უცხოური გავლენის გამჭვირვალობის შესახებ" კანონთან დაკავშირებით პრეზიდენტის მოტივირებულ შენიშვნებს განიხილავს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,