თუ თქვენი მთავრობა გააგრძელებს ქუჩებში გამოსულ მომიტინგეებზე სასტიკ თავდასხმებს, ჩვენ სამთავრობო გვერდებზე უფრო ფართომასშტაბიან კიბერშეტევებს განვახორციელებთ, - ამის შესახებ ჰაკერული დაჯგუფება Anonymous-ი სოციალურ ქსელში წერს.

Anonymous-ის განცხადებით, „ქართველ ხალხს გვერდით უდგანან ბრძოლაში დემოკრატიის, თავისუფლებისა და კეთილდღეობისთვის“.

„ამ პერიოდის განმავლობაში, Anonymous-მა კიბერშეტევები განახორციელა საქართველოს სამთავრობო ვებგვერდებთან დაკავშირებულ 30-ზე მეტ საიტზე. ეს ქმედებები თბილისსა და ბათუმში მშვიდობიანი მომიტინგეების მიმართ პოლიციის ძალადობის საპასუხოა. გარდა ამისა, სამიზნე გახდა მთავრობასთან დაკავშირებული მედია, რომელიც პროპაგანდისტულ მიზნებს ემსახურება. კრემლის მარიონეტულმა მთავრობამ საქართველოში გაატარა რუსული „უცხო აგენტების“ კანონები, რომელიც მიზნად ისახავს, გააჩუმოს განსხვავებული აზრის და დამოუკიდებელი მედიის, ისევე, როგორც ხელისუფლების მიმართ კრიტიკული ორგანიზაციების სამიზნე. ჩვენ ქართველ ხალხთან ერთად ვართ მათ ბრძოლაში დემოკრატიის, თავისუფლებისა და კეთილდღეობისთვის და გვსურს თავისუფალი საქართველო რუსული გავლენისგან, მხარს ვუჭერთ მათ მისწრაფებებს ნათელი მომავლისკენ!

საქართველოს პრემიერ-მინისტრს: თუ თქვენი მთავრობა გააგრძელებს ქუჩებში გამოსულ მომიტინგეებზე სასტიკ თავდასხმებს, ჩვენ სამთავრობო გვერდებზე უფრო ფართომასშტაბიან კიბერშეტევებს განვახორციელებთ“, - წერია Anonymous-ის განცხადებაში.

ავტორი: ექსპრესნიუსი,

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები