2024-04-22 09:12:22, 451 ნახვა
მსოფლიო
Reuters - სირიაში მდებარე ამერიკული სამხედრო ბაზის მიმართულებით ერაყიდან ხუთი რაკეტა გაისროლეს
სირიაში მდებარე ამერიკული სამხედრო ბაზის მიმართულებით ერაყიდან 5 რაკეტა გაისროლეს. ამის შესახებ ინფორმაციას Reuters-ი ანონიმურ წყაროებსა და ამერიკელ ოფიციალურ პირებზე დაყრდნობით ავრცელებს.
მედიის ცნობით, გასროლა ერაყის პრემიერ-მინისტრის, მუჰამედ შია ალ-სუდანის ამერიკის შეერთებულ შტატებში ვიზიტის შემდეგ მოხდა, სადაც ის პრეზიდენტ ჯო ბაიდენს თეთრ სახლში შეხვდა.
"სირიის საზღვართან ახლოს მიმდინარეობს ფართომასშტაბიანი ოპერაცია, ხოლო დამნაშავეების პოვნის შემთხვევაში, ისინი პასუხს აგებენ მართლმსაჯულების წინაშე", - აცხადებენ ერაყის უსაფრთხოების ძალებში.
ავტორი: ექსპრესნიუსი,
epn.ge (@expressnews.ge)
