2024-03-27 10:33:31, 690 ნახვა
საზოგადოება
მაია სანდუმ საქართველოს საბერძნეთთან გამარჯვება და ევროპის ჩემპიონატზე გასვლა მიულოცა
მოლდოვის პრეზიდენტი მაია სანდუ საქართველოს საბერძნეთთან გამარჯვებასა და ევროპის ჩემპიონატზე გასვლას ულოცავს.
ამის შესახებ სანდუ X-ზე, [ყოფილ Twitter-ზე] წერს.
„ვულოცავ ჩვენს მეგობრებს უკრაინას, პოლონეთსა და საქართველოს უეფას ევრო 2024-ზე მოხვედრას. თქვენმა თავდაუზოგავმა შრომამ შედეგი გამოიღო. გისურვებთ წარმატებებს და დასამახსოვრებელი მომენტებით სავსე ტურნირს“,- წერს მოლდოვის პრეზიდენტი სოციალურ ქსელში.
შეგახსენებთ, საქართველოს საფეხბურთო ნაკრებმა გუშინ, 26 მარტს საბერძნეთის ეროვნული ნაკრები პენალტების სერიაში, ანგარიშით 4:2 დაამარცხა და ისტორიაში პირველად, ევროპის ჩემპიონატის საგზური მოიპოვა.
ავტორი: ექსპრესნიუსი,
epn.ge (@expressnews.ge)
