გარემოს დაცვისა და სოფლის მეურნეობის მინისტრის მოადგილე თენგიზ ნასარიძემ და უნგრეთის დელეგაციის წევრებმა ოფიციალურ შეხვედრაზე ევროკავშირის ბაზრის პოტენციალის, ადგილობრივი სასურსათო პროდუქციის კონკურენტუნარიანობისა და თანამედროვე ტექნოლოგიების დანერგვის ხელშეწყობის საკითხები განიხილეს. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, თენგიზ ნასარიძემ უნგრეთის მთავრობას მადლობა გადაუხადა ევროინტეგრაციის გზაზე მხარდაჭერისთვის და  ხაზგასმით აღნიშნა, რომ უნგრეთთან თანამშრომლობის გაფართოება და მათი გამოცდილების გაზიარება საქართველოსთვის, როგორც კანდიდატის სტატუსის მქონე ქვეყნისთვის, უაღრესად მნიშვნელოვანია.

„საქართველოს და უნგრეთს შორის თანამშრომლობა სულ უფრო მეტად ღრმავდება; 2022 წელს ქვეყნებს შორის სტრატეგიული პარტნიორობის შესახებ დეკლარაციას მოეწერა ხელი. აღსანიშნავია, რომ უშუალოდ სოფლის მეურნეობის კუთხით, აგროსასურსათო პროდუქციის ექსპორტ-იმპორტის და ერთობლივი სამეცნიერო კვლევების განხორციელების მიმართულებით, ძალიან მჭიდრო ურთიერთობა გვაკავშირებს. სოფლის მეურნეობის მიმართულებით ევროკავშირის ბაზარზე კონკურენცია მზარდია, ამიტომ ყველა წარმატებული გამოცდილების გაზიარება ჩვენთვის მნიშვნელოვანია“, - განაცხადა თენგიზ ნასარიძემ.

აღსანიშნავია, რომ საქართველოს გარემოს დაცვისა და სოფლის მეურნეობის სამინისტრო მჭიდროდ თანამშრომლობს უნგრეთის სოფლის მეურნეობის სამინისტროსთან; 2023 წელს, აგრუსასურსათო პროდუქციის ვაჭრობის ხელშეწყობის მიზნით, ორ უწყებას შორის თანამშრომლობის მემორანდუმი გაფორმდა. 

„ჩვენ მხარს ვუჭერთ ევროკავშირის გაფართოების პოლიტიკას და ვულოცავთ საქართველოს კანდიდატის სტატუსის მინიჭებას. რაღა თქმა უნდა, ევროპის ბაზარზე რიგი პრობლემები არსებობს, მათ შორის დაფინანსების წყაროების მოძიების კუთხით, თუმცა ეს ერთ-ერთი დიდი და სტაბილური ბაზარია და უნგრეთი საქართველოს ამ ბაზარზე დამკვიდრებაში დაეხმარება“, - აღნიშნა ბალაზ მოლნარმა.

უნგრეთის დელეგაციის წევრების საქართველოში ვიზიტი 2 დღის განმავლობაში გაგრძელდება. დაგეგმილია სხვადასხვა სახელმწიფო უწყების წარმომადგენლებთან ოფიციალური შეხვედრები. 

ავტორი: NS (სტატია დაფინანსებულია),

სოციალური ქსელები

დიდი ბრიტანეთი ევროკავშირთან თავისუფალი გადაადგილების შესაძლო აღდგენაზე საუბრობს

Anchorსოფლის მეურნეობის, კვების მრეწველობისა და ტექნოლოგიების უმსხვილესი საერთაშორისო გამოფენა თბილისში

მასწავლებლის ეროვნული პრემიის 2026 წლის ათი გამარჯვებული პედაგოგი გამოვლინდა

ფინეთის პრეზიდენტმა პუტინთან სატელეფონო საუბრისთვის მზადებაზე ისაუბრა