2024-03-01 14:17:33, 853 ნახვა
მსოფლიო
ირანში მე-12 მოწვევის პარლამენტის არჩევნები მიმდინარეობს
ირანში მე-12 მოწვევის პარლამენტის არჩევნები მიმდინარეობს. ამის შესახებ ინფორმაციას გერმანული მედიასაშუალება Deutsche Welle ავრცელებს.
მედიის ცნობით, საარჩევნო უბნები ადგილობრივი დროით 08:00 საათზე გაიხსნა და 18:00 საათისთვის დაიხურება.
არსებული ინფორმაციით, 290-მანდატიან პარლამენტში ადგილების მოსაპოვებლად 15 200 კანდიდატი იბრძვის.
ირანში პრეზიდენტობის, დეპუტატობისა და ექსპერტთა ასამბლეის წევრობის მსურველი პირები კანდიდატებად მეურვეთა საბჭომ უნდა დაამტკიცოს, რომელიც სასულიერო პირებისა და იურისტებისგან შემდგარი ორგანოა, რომელსაც თავის მხრივ, სულიერი ლიდერი აიათოლა ალი ხამენეი ნიშნავს.
ავტორი: ექსპრესნიუსი,
epn.ge (@expressnews.ge)
