|
2024-02-16 18:34:34, 777 ნახვა
მსოფლიო
შოლცი ნავალნიზე - ეს ძალიან დამთრგუნველია ჩვენთვის - რუსეთი დემოკრატიას, დიდი ხანია, ჩამოშორდა
რუსეთი, დიდი ხანია, ჩამოშორდა დემოკრატიას - ვინც აკრიტიკებს, დემოკრატიას იცავს, უნდა ეშინოდეს სიცოცხლის და უსაფრთხოების,- ასე ეხმაურება გერმანიის ფედერალური კანცლერი ოლაფ შოლცი რუსი ოპოზიციონერი პოლიტიკოსის, ალექსეი ნავალნის გარდაცვალებას. შოლცმა ნავალნის გარდაცვალებას დამთრგუნველი ცნობა უწოდა. "ეს ჩვენთვის ძალიან დამთრგუნველია. მე მას ბერლინში შევხვდი, როდესაც მოწამვლის შემდეგ სამკურნალოდ ჩამოვიდა. ვესაუბრე გამბედაობაზე, რომელიც საჭირო იყო რუსეთში დაბრუნებისთვის. ახლა მან ეს სიცოცხლის ფასად გადაიხადა. ძალიან კარგად ვიცით, რა რეჟიმია ეს. ვინც აკრიტიკებს, დემოკრატიას იცავს, უნდა ეშინოდეს სიცოცხლის და უსაფრთხოების. სწორედ ამიტომ ვართ შოკირებულები. ჩვენი ფიქრები მის მეუღლესთან, მეგობრებთან და თანამოაზრეებთანაა. უბრალოდ, საშინელებაა და იმის მანიშნებელია, როგორ შეიცვალა რუსეთი. სამწუხაროდ, ეს პროცესი დიდი ხნის წინ დაიწყო, რუსეთი, დიდი ხანია, ჩამოშორდა დემოკრატიას",- ამბობს შოლცი. შეგახსენებთ, რომ ცოტა ხნის წინ რუსეთის სასჯელაღსრულების ფედერალურმა სამსახურმა რუსი ოპოზიციონერის, ალექსეი ნავალნის გარდაცვალების შესახებ ინფორმაცია გაავრცელა.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)