უკრაინის პრეზიდენტმა, ვოლოდიმირ ზელენსკიმ ყოფილ მთავარსარდალს, ვალერი ზალუჟნისა და დაზვერვის სამსახურის უფროსს, კირილ ბუდანოვს უკრაინის გმირის წოდება მიანიჭა. შესაბამისი განკარგულებები უკრაინის პრეზიდენტის ოფიციალურ საიტზე გამოქვეყნდა.

როგორც განკარგულებაში ვკითხულობთ, აღნიშნული წოდება ზალუჟნის უკრაინის სახელმწიფო სუვერენიტეტისა და ტერიტორიული მთლიანობის დაცვასა და უკრაინელი ხალხის სამსახურში გამოჩენილი პირადი მიღწევებისთვის მიენიჭა.

რაც შეეხება კირილ ბუდანოვს, მას გმირის წოდება უკრაინის სახელმწიფო სუვერენიტეტისა და ტერიტორიული მთლიანობის დაცვაში გამოჩენილი მამაცობისთვის, გმირობისთვის და უკრაინელი ხალხის მიმართ თავგანწირული სამსახურისთვის ენიჭება.

აღსანიშნავია, რომ გმირის წოდებასთან ერთად, უკრაინის პრეზიდენტმა ვალერი ზალუჟნის "ოქროს ვარსკვლავის" ორდენიც მიანიჭა.

ავტორი: ექსპრესნიუსი,

სოციალური ქსელები

დეკანოზი ანდრია ჯაღმაიძე – სამორინეებთან დაკავშირებით საკანონმდებლო ინიციატივა ჩვენთვის სრულიად მოულოდნელი აღმოჩნდა

საკონსტიტუციო სასამართლოში ევროპარლამენტის კრიტიკული რეზოლუციის ხსენებას კამათი მოჰყვა

კახა კალაძე - რასაც ჩვენთან აკეთებდნენ, ახალისებდნენ ძალადობრივ ორგანიზაციებს, დღეს იგივე მიიღეს საკუთარ ქვეყნებში

კოპალეიშვილი „ოცნების“ დეპუტატებს - ჩემი სტუდენტები იყვნენ, რა საფრთხეს წარმოვადგენ მე?