2024-02-02 20:53:51, 1482 ნახვა

---

კასპის მუნიციპალიტეტის მერიამ დოესის და ახალქალაქის ადმინისტრაციული ერთეულის სოფლებში მოსახლეობასთან შეხვედრები გამართა

კასპის მუნიციპალიტეტის მერმა ვახტანგ მაისურაძემ, მერის მოადგილემ დავით ქისიშვილმა და საკრებულოს თავმჯდომარემ შოთა ბეგლარაშვილმა ადგილობრივი თვითმმართველობის წარმომადგენლებთან ერთად მოსახლეობასთან შეხვედრები დოესის და ახალქალაქის ადმინისტრაციული ერთეულის სოფლებში გამართა. ამის შესახებ ინფორმაციას კასპის მუნიციპალიტეტის მერია ავრცელებს.

კასპის მერიის ცნობით, შეხვედრის მიზანი „სოფლის მხარდაჭერის პროგრამის“ ფარგლებში დასაფინანსებელი პროექტების შერჩევა იყო.

"მუნიციპალიტეტის მერმა ვახტანგ მაისურაძემ შეხვედრაზე პრიორიტეტების სწორად შერჩევის მნიშვნელობაზე ისაუბრა.

სოფლის მაცხოვრებლებმა შეხვედრებზე საპროექტო წინადადებები დაასახელეს, განსახორციელებელი პროექტები კი ხმათა უმრავლესობით პრიორიტეტებიდან გამომდინარე შეარჩიეს.

პროგრამის ფარგლებში კასპის მუნიციპალიტეტში მოსახლეობასთან შეხვედრები 16 თებერვალს დასრულდება.

#სოფლისმხარდაჭერისპროგრამა2024", - ნათქვამია კასპის მერიის მიერ გავრცელებულ ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი