იაპონიაში ძლიერი მიწისძვრის შედეგად დაღუპულთა რიცხვი 92-მდე გაიზარდა. ამის შესახებ ინფორმაციას Ukrinform-ი Xinhua-ზე დაყრდნობით ავრცელებს.

როგორც მედია წერს, სტიქიიდან 4 დღის შემდეგ, 242 ადამიანი კვლავ დაკარგულად მიიჩნევა.

"საზღვაო ქალაქ ვაჯიმაში მომხდარი მიწისძვრის შემდეგ 40-ზე მეტი ადამიანი კვლავ ნანგრევების ქვეშ იმყოფება",- აღნიშნულია მოხსენებაში.

მეწყერის გამო, რომელმაც გზები დააზიანა, 10-ზე მეტი დასახლება მოწყვეტილია გარე სამყაროს. გარდა ამისა, 30 000 აბონენტი ელექტროენერგიის, ხოლო დაახლოებით, 80 000 აბონენტი წყალმომარაგების გარეშეა დარჩენილი.

ამ დროისთვის კვლავაც გრძელდება სამძებრო-სამაშველო ოპერაცია, რომელსაც იაპონიის არმიის 4 600-მდე ჯარისკაცი სამართალდამცავებსა და მეხანძრეებთან ერთად აწარმოებს.

შეგახსენებთ, 7.6 მაგნიტუდის სიმძლავრის მიწისძვრა იაპონიაში, ნოტოს ნახევარკუნძულზე 1-ელ იანვარს მოხდა.

ავტორი: ექსპრესნიუსი,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა