2023-11-24 17:02:09, 1265 ნახვა

---

გერმანიის ელჩი - გერმანია უკრაინას ზამთარში დამატებით Patriot-ის საჰაერო თავდაცვის სისტემას გადასცემს

გერმანია IRIS-T-ის გარდა, ზამთარში უკრაინაში დამატებით Patriot-ის საჰაერო თავდაცვის სისტემას განათავსებს, - ამის შესახებ გერმანიის ელჩმა უკრაინაში, მარტინ იეგერმა განაცხადა.

იეგერის თქმით, უკრაინაში, ზამთრის პერიოდში სიტუაცია, შესაძლოა, ძალიან გართულდეს, რის გამოც, უკრაინული მხარე ყველაფერს აკეთებს, გერმანია კი, ამ პროცესში მას ეხმარება.

"ზამთარში სიტუაცია, შესაძლოა, ძალიან გართულდეს. უკრაინულმა მხარემ ყველაფერი გააკეთა იმისთვის, რომ მომზადებულიყო, ჩვენ კი ამ პროცესში ვეხმარებით.

მე უკვე ვისაუბრე უკრაინისადმი მხარდაჭერაზე საჰაერო თავდაცვის სისტემებით. IRIS-T სისტემების გარდა, ზამთარში უკრაინას კიდევ ერთი Patriot-ის სისტემა გადაეცემა", - განაცხადა გერმანიის ელჩმა უკრაინაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი