ისრაელის თავდაცვის ძალებმა (IDF) ღაზაში, ალ-შიფას საავადმყოფოსთან 7 ოქტომბერს "ჰამასის" მიერ გატაცებული 65 წლის იეჰუდიტ ვაისისა და 19 წლის ნოა მარჩიანოს ცხედები იპოვეს. აღნიშნულის შესახებ ინფორმაციას The Times Of Israel-ი ავრცელებს.

IDF-ის ცნობით, იეჰუდიტ ვაისისი ტერორისტებმა კიბუც ბეერიდან გაიტაცეს.

"ჩვენდა სამწუხაროდ, იეჰუდიტ ვაისისი ტერორისტებმა ღაზას სექტორში მოკლეს. ჩვენ დროულად ვერ მივაღწიეთ მას", - აცხადებენ IDF-ში.

რაც შეეხება ნოა მარჩიანოს, ისრაელის თავდაცვის ძალების ცნობით, ის საბრძოლო სადაზვერვო კოლექციის კორპუსის 414-ე ქვედანაყოფში მსახურობდა.

"19 წლის ნოა მარჩიანო 7 ოქტომბერს "ჰამასის" ტერორისტებმა გაიტაცეს და მოკლეს.

მისი ცხედარი IDF-ის ჯარებმა ღაზაში, ალ-შიფას ჰოსპიტალთან იპოვეს.

IDF გულწრფელ სამძიმარს უცხადებს ოჯახებს და გააგრძელებს მათ მხარდაჭერას" - წერს ისრაელის თავდაცვის ძალები X-ზე (ყოფილ Twitter-ზე).

შეგახსენებთ, რომ მანამდე ისრაელის თავდაცვის ძალებმა გაავრცელა განცხადება, რომ ღაზას სექტორში, ალ-შიფას საავადმყოფოს შენობაში "ჰამასის“ ოპერაციული გვირაბის შახტი აღმოაჩინეს.

გუშინ, 16 ნოემბერს, ისრაელის თავდაცვის ძალებმა X-ზე [ყოფილ Twitter-ზე] გამოაქვეყნეს ფოტო და ვიდეომასალა, სადაც მათი განცხადებით, ღაზას სექტორში მდებარე ალ-შიფას საავადმყოფოს სამკურნალო ზონებში აღმოჩენილი აღჭურვილობაა აღბეჭდილი.

აღსანიშნავია ასევე, რომ 15 ნოემბერს, ისრაელის არმიამ ალ-შიფას საავადმყოფოში რეიდი დაიწყო.

ავტორი: ექსპრესნიუსი,

სოციალური ქსელები

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო

თიბისის საავტორო ღონისძიებების სერია - GitHub-თან პარტნიორობით CO-CREATE INNOVATION-ის მეორე შეხვედრა გაიმართა