რუსეთის მიერ მიგრანტების ინსტრუმენტალიზაცია სამარცხვინოა,- ასე ეხმაურება ევროკომისიის პრეზიდენტი ურსულა ფონ დერ ლაიენი ფინეთის გადაწყვეტილებას, რომ რუსეთის საზღვართან 4 გამშვები პუნქტი დახუროს.

ლაიენი X-ზე [ყოფილ Twitter-ზე] მცირე განცხადებას აქვეყნებს და ფინეთს მხარდაჭერას უცხადებს.

„რუსეთის მიერ მიგრანტების ინსტრუმენტალიზაცია სამარცხვინოა, სრულად ვუჭერ მხარს ფინეთის მიერ გატარებულ ზომებს. მინდა, მადლობა გადავუხადო ფინელ მესაზღვრეებს, რომლებიც ევროკავშირის საზღვრებს იცავენ“,- წერს ურსულა ფონ დერ ლაიენი.

ცნობისთვის, 18 ნოემბერს ფინეთი რუსეთის საზღვართან 4 გამშვებ პუნქტს, მათ შორის ვაალიმაას, ნუიჯამაას, ნიირალასა და იმატრას დახურავს. შეზღუდვა 2024 წლის 18 თებერვლამდე იმოქმედებს.

ფინეთის მთავრობა გადაწყვეტილების მიზეზად თავშესაფრის მაძიებელთა რაოდენობის ზრდას ასახელებს, რასაც რუსეთის სასაზღვრო პოლიტიკის ცვლილებას უკავშირებს.

ავტორი: ექსპრესნიუსი,

სოციალური ქსელები

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო

თიბისის საავტორო ღონისძიებების სერია - GitHub-თან პარტნიორობით CO-CREATE INNOVATION-ის მეორე შეხვედრა გაიმართა