თბილისის მერიის გარემოს დაცვის საქალაქო სამსახურმა სამგორის რაიონში კიდევ ერთი სკვერის რეაბილიტაცია დაასრულა, - ამის შესახებ დედაქალაქის მერმა, კახა კალაძემ მუნიციპალიტეტის მთავრობის სხდომაზე განაცხადა. 

როგორც მან აღნიშნა, სარეაბილიტაციო სამუშაოები საცხენისის ქუჩა N20-ში, ნახევარ ჰექტარ ფართობზე განხორციელდა.

„გარემოს დაცვის საქალაქო სამსახურმა, ვარკეთილში, საცხენისის ქუჩის N20-ის მიმდებარედ არსებული სკვერის რეაბილიტაცია დაასრულა. სარეაბილიტაციო სამუშაოების ფარგლებში, ტერიტორიაზე, რომლის ფართობი ნახევარი ჰექტარია,  სრულად განახლდა ინფრასტრუქტურა, მოეწყო საბავშვო მოედანი, საფეხმავლო ბილიკები, გარე განათების სისტემა, სარწყავი სისტემა, დაირგო ხე-მცენარეები და განთავსდა შესაბამისი საპარკო ინფრასტრუქტურა. ძალიან კარგია მსგავსი პროექტების განხორციელება ქალაქში. ჩვენს რაიონებსა და უბნებში ყველა ტერიტორია უნდა გამოვიყენოთ იმისთვის, რომ მეტი რეკრეაციული სივრცე გვქონდეს“, - აღნიშნა კახა კალაძემ.

ავტორი: NS (სტატია დაფინანსებულია),

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს