2023-10-28 17:39:44, 919 ნახვა
პოლიტიკა
სოხუმის აეროპორტს რუსეთის უშიშროების საბჭოს მდივნის მოადგილის შვილის კომპანია აღადგენს
დროებით ოკუპირებული აფხაზეთის ე.წ პრეზიდენტის ასლან ბჟანიას მონაწილეობით ხელი მოეწერა სოხუმის აეროპორტის ყოვლისმომცველი რეკონსტრუქციის შეთანხმებას. ამის შესახებ ინფორმაციას რუსული სამთავრობო მედია ავრცელებს.
როგორც "ეხო კავკაზა" წერს, ხელშეკრულება გაფორმდა ე.წ. მთავრობასა და შპს "ინფრასტრუქტურის დეველოპმენტს" შორის.
კომპანიის ხელმძღვანელი და მფლობელი რუსეთის უშიშროების საბჭოს მდივნის მოადგილის შვილი, რაშიდ ნურგალიევია.
ასევე როგორც საინფორმაციო სააგენტო Apsnypress წერს, შეთანხმების განხორციელების ფარგლებში, აეროდრომის ოპერატიული ვარგისიანობა აღდგება.
ავტორი: ექსპრესნიუსი,
epn.ge (@expressnews.ge)
