ძუძუს კიბოს ცნობიერების ამაღლების კამპანიის #ვარდისფერიოქტომბერის ფარგლებში, ბათუმის შოთა რუსთაველის სახელმწიფო უნივერსიტეტში, კონფერენცია თემაზე - ,,დაავადების ადრეული გამოვლენის მნიშვნელობა და სახელმწიფო სკრინინგ პროგრამები”  გაიმართა, რომელსაც ოჯახის ექიმები, ლექტორ-მასწავლებლები, სტუდენტები  და დაინტერესებული მხარეები ესწრებოდნენ. ამის შესახებ ინფორმაციას აჭარის ჯანდაცვის სამინისტრო ავრცელებს.

კონფერენცია აჭარის ჯანმრთელობისა და სოციალური დაცვის მინისტრმა, ნინო ნიჟარაძემ გახსნა და აჭარაში სკრინინგის ხელმისაწვდომობაზე ისაუბრა.

,,იქედან გამომდინარე, რომ ქვეყანაში არსებობს დაავადებების ადრეული გამოვლენის სკრინინგ პროგრამები, ჩვენი ვალდებულებაა მოსახლეობამდე კიდევ ერთხელ მივიტანოთ ინფორმაცია სკრინინგის მნიშვნელობის და მკურნალობის ხელშეწყობის შესახებ. კამპანიის ფარგლებში ჩვენ მთელი თვის განმავლობაში აქტიურად ვატარებდით კვლევებს, ასევე მუნიციპალიტეტებიდან ორგანიზებულად მოხდა ქალების ტრანსპორტირება და დიაგნოსტირება. რა თქმა უნდა ეს არ გახლავთ მხოლოდ ოქტომბრის თვის აქტივობა, როგორც იცით სახელმწიფო პროგრამა მთელი წლის განმავლობაში ხორციელდება. მოვუწოდებ ყველა ქალბატონს, გამოიყენოს შესაძლებლობა და ისარგებლოს უფასო კვლევებით”, - აღნიშნა მინისტრმა, ნინო ნიჟარაძემ.

კონფერენციას ასევე ესწრებოდა აჭარის მთავრობის ადმინისტრაციის უფროსი, პარტია “ქართული ოცნების” აჭარის ქალთა ორგანიზაციის თავმჯდომარე, თინათინ ზოიძე, აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე, ილია ვერძაძე, დაავადებათა კონტროლისა და საზოგადოებრივი ჯანდაცვის ცენტრის წარმომადგენლები.

წარმოდგენილი იყო ისეთი მნიშვნელოვანი საკითხები, როგორიცაა: სარძევე ჯირკვლის დაავადებების გამომწვევი მიზეზები, რისკ ფაქტორები, ადრეული დიაგნოსტიკის მნიშვნელობა, ონკოლოგიური დაავადებების ადრეული დიაგნოსტიკა, ადამიანის პაპილომა ვირუსის საწინააღმდეგო ვაქცინაცია და ა.შ.
ვარდისფერი ოქტომბერი - კამპანიის  ფარგლებში სკრინინგ პროგრამებით აჭარაში  350-ზე მეტმა ქალმა ისარგებლა, ვარდისფრად განათდა ცენტრალური სტადიონი, დაგემილია ფლეშმობის გამართვაც.

ავტორი: NS (სტატია დაფინანსებულია),

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება