როგორ შეიძლება, საქართველოს პრეზიდენტი, რომელიც ზეპარტიული უნდა იყოს კონტიტუციის მიხედვით და ნეიტრალური უნდა იყოს, უზრდელობდეს,- ასე ეხმაურება "ქართული ოცნების" თავმჯდომარე ირაკლი კობახიძე საკონსტიტუციო სასამართლოს დასკვნასთან დაკავშირებით პრეზიდენტ სალომე ზურაბიშვილის განცხადებებს.

როგორც კობახიძემ პარლამენტის პლენარულ სხდომაზე სიტყვით გამოსვლისას აღნიშნა, ზურაბიშვილი საკონსტიტუციო სასამართლოსა და დეპუტატებს თავს დაესხა.

"ჩვენ არაფრის იმედი აღარ გვაქვს სალომე ზურაბიშვილისგან, მაგრამ შეიძლება, ნაკლები ეკადრა. გამოვიდა და პირდაპირ თავს დაესხა საქართველოს საკონსტიტუციო სასამართლოს ყოველგვარი არგუმენტების გარეშე. არცერთი არგუმენტი არ უთქვამს იმასთან დაკავშირებით, რა არ მოეწონა საკონსტიტუციო სასამართლოს გადაწყვეტილებაში და გამოიყენა უხეში ტერმინები - სირცხვილია და ა.შ. უფრო მეტიც - დეპუტატების მიმართ ამ ქალბატონმა პირდაპირ იუზრდელა. ეს არის, შეგახსენებთ, ჯერ კიდევ საქართველოს პრეზიდენტად წოდებული თანამდებობის პირი და ის უზრდელობს - როგორ შეიძლება, საქართველოს პრეზიდენტი, რომელიც ზეპარტიული უნდა იყოს კონტიტუციის მიხედვით და ნეიტრალური უნდა იყოს, უზრდელობდეს. ეს უბრალოდ წარმოუდგენელია, მაგრამ ესეც მისი პრობლემაა",- თქვა კობახიძემ.

ცნობისთვის, გუშინ, 16 ოქტომბერს საკონსტიტუციო სასამართლომ პრეზიდენტ სალომე ზურაბიშვილის მიერ კონსტიტუციის დარღვევა დაადგინა. სასამართლოს თავმჯდომარის, მერაბ ტურავას განცხადებით, ზურაბიშვილმა აგვისტო-სექტემბერში საზღვარგარეთ განხორციელებული ვიზიტებით საქართველოს კონსტიტუცია დაარღვია.

აღსანიშნავია, რომ პროცესი ამის შემდეგ გადადის პარლამენტში, სადაც კენჭს უყრიან სალომე ზურაბიშვილის იმპიჩმენტს. პრეზიდენტის გადაყენებისთვის საჭიროა 100 ხმა.

პარლამენტის თავმჯდომარის, შალვა პაპუაშვილის განცხადებით, იმპიჩმენტის საკითხის კენჭისყრა მიმდინარე სასესიო კვირაში გაიმართება.

სასამართლოს დასკვნას გუშინვე გამოეხმაურა პრეზიდენტი და ის "ევროპული მომავალისა და დემოკრატიის მკვლელობად ან მცდელობად" შეაფასა.

ზურაბიშვილმა პარლამენტში, საიმპიჩმენტო კენჭისყრაზე მისვლაც დააანონსა და "ქართული ოცნების" წარმომადგენლებს "პატარა კაცები" უწოდა.

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის