საერთაშორისო კამპანიის ვარდისფერი ოქტომბრის ფარგლებში, აჭარის რეგიონში სხვადასხვა ღონისძიებები ხორციელდება. ამის შესახებ ინფორმაციას აჭარის ჯანდაცვის სამინისტრო ავრცელებს.

აჭარის ჯანდაცვის მინისტრის პირველი მოადგილე, მარი ზანაქიძე ძუძუს კიბოს სკრინინგის მიმდინარეობას მაღალტექნოლოგიურ ჰოსპიტალ - “მედცენტრში“ გაეცნო.

დღეს სკრინინგით ხულოს მუნიციპალიტეტიდან 30-მდე ქალბატონმა ისარგებლა. მინისტრის მოადგილემ მათთან შეხვედრისას სკრინინგის მნიშვნელობაზე ისაუბრა და მიაწოდა ასევე ინფორმაცია სახელმწიფო პროგრამებზე, რომელთა სარგებლობა მოქალაქეებს უფასოდ შეუძლიათ.

“აჭარა წელსაც შეუერთდა კამპანიას - ვარდისფერი ოქტომბერი, რომლის ფარგლებში მომდევნო ერთი თვის განმავლობაში დაგეგმილია სხვადასხვა საინფორმაციო შეხვედრის ჩატარება და ქალბატონების სკრინინგში ჩართვის ხელშეწყობა. ადრეული დიაგნოსტიკა ზრდის სიცოცხლის გადარჩენის შესაძლებლობას. ქვეყნის მასშტაბით მკერდის კიბოს სკრინინგი უფასოა და ვთხოვ ყველა ქალს დროულად ჩაიტაროს კვლევა, რათა თავიდან ავიცილოთ შემდეგი გართულებები”, - აღნიშნა მარი ზანაქიძემ.

აჭარის მთავრობის, აჭარის ჯანდაცვის სამინისტროს, აჭარის განათლების სამინისტროს, საზოგადოებრივი ჯანდაცვის ცენტრის, დაავადებათა კონტროლის, მუნიციპალიტეტების მერიებისა და პარტია ქართული ოცნების ქალთა ორგანიზაციის მხარდაჭერით, ოქტომბრის თვის განმავლობაში სხვადასხვა დაწესებულებაში ჩატარდება საინფორმაციო კამპანია.

სკრინინგში ჩაერთვებიან პედაგოგები, სკოლამდელი აღზრდის დაწესებულებებში დასაქმებული პირები.

სახელმწიფო პროგრამის ფარგლებში ქალებისათვის კიბოს სკრინინგის პროგრამა უფასოა შემდეგ ასაკობრივ ჯგუფებში:

• 40 - 70 წლის ჩათვლით - ძუძუს კიბოს სკრინინგი
• 25 - 60 წლის ჩათვლით - საშვილოსნოს ყელის კიბოს სკრინინგი
• 50 - 70 წლის ჩათვლით - მსხვილი ნაწლავის კიბოს სკრინინგი

ქ. ბათუმის მუნიციპალიტეტის მერიის პროგრამის ფარგლებში:

• 25 - 30 წლამდე ჩათვლით - ძუძუს კიბოს სკრინინგი (ელასტოგრაფია)
• 30 - 40 წლამდე ჩათვლით - ძუძუს კიბოს სკრინინგი.

ავტორი: NS (სტატია დაფინანსებულია),

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება