ჩვენ გვაქვს რეალურად აღიარება სალომე ზურაბიშვილისგან, რომ ის შეგნებულად არღვევდა საქართველოს კონსტიტუციას,- ამის შესახებ "ქართული ოცნების" თავმჯდომარემ, პრეზიდენტის იმპიჩმენტის შესახებ კონსტიტუციური წარდგინების ერთ-ერთმა ავტორმა, ირაკლი კობახიძემ საკონსტიტუციო სასამართლოს სხდომაზე განაცხადა.

როგორც კობახიძემ იმპიჩმენტის საკითხის ზეპირი მოსმენით განხილვაზე სიტყვით გამოსვლის დროს აღნიშნა, პრეზიდენტმა განხორციელებული ვიზიტები არალეგიტიმურად და არაკონსტიტუციურად თვითონვე გამოაცხადა.

"პრეზიდენტმა ითხოვა თანხმობა, არ მიუღია თანხმობა და მაინც განახორციელა ვიზიტი - დაირღვა კონსტიტუცია... პრეზიდენტმა თავადვე აღიარა ვიზიტების არაკონსტიტუციურობა. ხაზი უნდა გაესვას იმას, რომ მან თავად ითხოვა თანხმობა. მას გაცნობიერებული ჰქონდა, რომ ვიზიტს სჭირდება შესაბამისი თანხმობა და მას შემდეგ, რაც ვერ მიიღო თანხმობა, მაინც განახორციელა ვიზიტი...

ასევე, მან განაცხადა მოგვიანებით, რომ მისი ვიზიტები არ იყო დაფინანსებული ბიუჯეტიდან. ის კერძო ხარჯებით გაემგზავრა საზღვარგარეთ, რაც მორიგი აღიარებაა. თუ ლეგიტიმური იყო ვიზიტი, რატომ არ დაფინანსდა ბიუჯეტიდან. ეს არის პირდაპირი აღიარება იმისა, რომ ვიზიტები იყო არალეგიტიმური და არაკონსტიტუციუტი",- თქვა კობახიძემ.

ცნობისთვის, საკონსტიტუციო სასამართლოში, ამ წუთებში საქართველოს პრეზიდენტის, სალომე ზურაბიშვილის იმპიჩმენტის შესახებ "ქართული ოცნების" კონსტიტუციური წარდგინების არსებითი განიხილვა მიმდინარეობს.

სხდომას ზურაბიშვილი არ ესწრება. პრეზიდენტმა სასამართლოში თავისი წარმომადგენლები - თამარ ჩუგოშვილი და მაია კოპალეიშვილი გაუშვა.

ავტორი: ექსპრესნიუსი,

სოციალური ქსელები

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა

თბილისის მერია - ე.წ. ცხოველთა დამცველები დაკავებულები არიან დესტრუქციული ქმედებებით - მოვუწოდებთ შესაბამის ორგანოებს, შეისწავლონ საქმე და მისცენ მას სამართლებრივი რეაგირება

კრიშტიანუ რონალდუმ ოფიციალურად დაასრულა სანაკრებო კარიერა