2023-09-29 15:46:13, 720 ნახვა
სამართალი
ჯგუფ „კანვასის“ 3 წევრი სუს-ში გამოკითხვაზე დაიბარეს
საქართველოს სახელმწიფო უსაფრთხოების სამსახურში სერბეთის მოქალაქეები, ჯგუფ „კანვასის“ 3 წევრი გამოკითხვაზე დაიბარეს.
ამის შესახებ ინფორმაცია "ექსპრესნიუსს" სუს-ში დაუდასტურეს.
სუს-ის ცნობით, აღნიშნული პირების დაბარება დესტაბილიზაციისა და სამოქალაქო არეულობის სავარაუდო დაგეგმვის საქმესთან დაკავშირებით მიმდინარე გამოძიების ფარგლებში მოხდა.
ცნობისთვის, 18 სექტემბერს, სახელმწიფო უსაფრთხოების სამსახურმა გაავრცელა ინფორმაცია, რომ ხელისუფლების შეცვლის მიზნით, პირთა ჯგუფი ოქტომბერ-დეკემბერში, საქართველში სამოქალაქო არეულობის მოწყობას გეგმავს.
ავტორი: ექსპრესნიუსი,
epn.ge (@expressnews.ge)
