2023-09-27 21:59:23, 877 ნახვა
მსოფლიო
კოსმოსში რეკორდული 371-დღიანი მისიის შემდეგ, NASA-ს ასტრონავტი დედამიწაზე დაბრუნდა
NASA-ს ასტრონავტი, ფრანკ რუბიო, რომელმაც კოსმოსში რეკორდულად დიდი დრო, 371 დღე გაატარა, დედამიწაზე დაბრუნდა. ამის შესახებ ინფორმაციას CNN ავრცელებს.
რუბიო და კიდევ ორი რუსი კოსმონავტი, სერგეი პროკოპიევი და დმიტრი პეტელინი ყაზახეთში, ქალაქ ჟეზყაზღანთან, ადგილობრივი დროით საღამოს 5:17 საათზე რუსული Soyuz MS-23 კაფსულით დაეშვნენ.
ამერიკელი ასტრონავტი ყაზახეთში დაშვების ადგილიდან ქალაქ ყარაღანდაში გაფრინდება, საიდანაც ჰიუსტონში გაემგზავრება.
ცნობისთვის, რუბიომდე ამერიკელი ასტრონავტებიდან კოსმოსში ყველაზე ხანგრძლივად მარკ ვანდე ჰეი იმყოფებოდა, რომელიც დედამიწის ორბიტაზე 355 დღის განმავლობაში გაჩერდა.
ავტორი: ექსპრესნიუსი,
epn.ge (@expressnews.ge)
