ჯანდაცვის მინისტრი ზურაბ აზარაშვილი უნგრეთში ოფიციალური ვიზიტით იმყოფება.

ჯანდაცვის სამინისტროს ცნობით, ვიზიტის ფარგლებში, აზარაშვილი უნგრეთის შინაგან საქმეთა მინისტრ შანდორ პინტერს შეხვდა, რომელიც უნგრეთის ჯანდაცვის, განათლების, სოციალური საკითხებისა და სხვა მიმართულებებს ხელმძღვანელობს.

"ზურაბ აზარაშვილმა, კოლეგას საქართველოში სამედიცინო და ფარმაცევტულ სექტორში მიმდინარე რეფორმები გააცნო. საუბარი შეეხო, მედიკამენტებზე ხელმისაწვდომობის გაზრდის მიზნით, რეფერენტული ფასწარმოქმნის ამოქმედებას, ასევე, მიმოქცევაში არსებული, წამლების ხარისხის უზრუნველყოფის მიზნით GMP/GDP სტანდარტების დანერგვის მნიშვნელობას. 

მხარეებმა, საყოველთაო ჯანდაცვის მოქმედების 10 წლის შედეგებზე ისაუბრეს. განიხილეს დაფინანსების ახალი - DRG მოდელი, რომელიც საქართველოში 2022 წლის ნოემბრიდან მოქმედებს.

ზურაბ აზარაშვილმა აღნიშნა, რომ მოდელის ამოქმედების შემდეგ, ჯანდაცვის სერვისებზე მოსახლეობის ჯიბიდან გადახდები მკვეთრად შემცირდა. 

უნგრეთის შინაგან საქმეთა მინისტრმა, საქართველოში მიმდინარე რეფორმები დადებითად შეაფასა და ქართულ მხარეს, ჯანდაცვის სერვისების მოწყობისა და დაფინანსების მოდელთან დაკავშირებით უნგრეთის გამოცდილება გაუზიარა.

შეხვედრაზე, პირველადი ჯანდაცვის სერვისები და ამ სფეროს განვითარების მიზნით დაგეგმილი ცვლილებებიც განიხილეს. ზურაბ აზარაშვილი, ამ მიმართულებით უნგრეთის გამოცდილებას გაეცნო და კოლეგისგან პირველადი ჯანდაცვის გაძლიერების პოლიტიკის მიმართულებით დეტალური ინფორმაციაა მიიღო.

მხარეები შემდგომი თანამშრომლობის საკითხებზე შეთანხმდნენ, რომლის ფარგლებშიც უნგრელი ექსპერტები საქართველოში ჩამოვლენ, ასევე დაიგეგმა ჯანდაცვის სამინისტროს დაქვემდებარებული უწყებების წარმომადგენლების ვიზიტი უნგრეთში, პროფილურ სააგენტოებთან. 

შეხვედრას  უნგრეთში საქართველოს საგანგებო და სრულუფლებიანი ელჩი თამარ ლილუაშვილი ესწრებოდა",- ნათქვამია უწყების ინფორმაციაში.

ავტორი: NS (სტატია დაფინანსებულია),

სოციალური ქსელები

რუსული ტანკერები აშშ-ისკენ მიემართებიან, თუმცა კომპანიები გამოძიების შიშით, უარს ამბობენ საწვავის შეძენაზე, თუნდაც ფასდაკლებით

ტრამპი: მე არ დამიწყია ომი ირანთან, მათ დაიწყეს ჩვენთან ომი

საქართველოს ბანკის YouTube პროექტის - CREATOR-ის მეორე სეზონი იწყება

„შავი პარასკევი“ „მაზდა ცენტრი თეგეტაში“ - ბრენდის ყველაზე მოთხოვნად მოდელებზე 20%-მდე ფასდაკლება 1-ელი ნოემბრიდან იწყება