პრეზიდენტი ამბობს, რომ კი, არღვევს კონსტიტუციას, ფაქტობრივად, აღიარება გამოდის, მაგრამ ამას აკეთებს იმისთვის, რომ კანდიდატის სტატუსი მივიღოთ. ეს არის მორიგი საბაბი იმისთვის, რომ ქვეყანა გაიყვანონ კონსტიტუციური ჩარჩოდან და მოხდეს პროცესების რადიკალიზაცია,- ამის შესახებ „ქართული ოცნების“ თავმჯდომარემ, ირაკლი კობახიძემ  საქართველოს პირველი არხის გადაცემა „თავისუფალ ხედვაში“ განაცხადა. 

მისი თქმით, კონსტიტუციის დარღვევის მთავარ საბაბად სალომე ზურაბიშვილიც კანდიდატის თემას იყენებს.

„რაც შეეხება სალომე ზურაბიშვილს და მის მიერ კონსტიტუციის უხეშად დარღვევას, ესეც ამ სცენარის ნაწილია და აქაც მთავარ საბაბად კონსტიტუციის დარღვევისთვის სალომე ზურაბიშვილიც იყენებს კანდიდატის თემას. სადაც არ უნდა წახვიდე, როდესაც გადიან კონსტიტუციური ჩარჩოებიდან რადიკალური ოპოზიცია თავის სალომე ზურაბიშვილით უკვე, ისინი საბაბად ყოველ ჯერზე იყენებენ სწორედ კანდიდატის თემას. ამ შემთხვევაშიც, ის ამბობს, რომ კი, არღვევს კონსტიტუციას, ფაქტობრივად, აღიარება გამოდის, მაგრამ ამას აკეთებს იმისთვის, რომ კანდიდატის სტატუსი მივიღოთ. ეს არის მორიგი საბაბი იმისთვის, რომ ქვეყანა რაღაცნაირად გაიყვანონ კონსტიტუციური ჩარჩოდან და მოხდეს პროცესების რადიკალიზაცია ჩვენს ქვეყანაში",- განაცხადა ირაკლი კობახიძემ. 

რაც შეეხება მიმდინარე ვიზიტებს, ირაკლი კობახიძის თქმით, "ესეც ამის მორიგი გამოხატულებაა". 

"გამომდინარე იქიდან, რომ კონსტიტუციური ჩარჩოდან არის გასული სალომე ზურაბიშვილი, ამას შეიძლება ვუწოდოთ კერძო ვიზიტი, მაგრამ სინამდვილეში ის კვლავაც უხეშად არღვევს კონსტიტუციას და ე.წ. ოფიციალურ სამუშაო ვიზიტებს ახორციელებს. პროტოკოლის ყველა წესის დაცვით ხორციელდება ეს ვიზიტები, აქედან გამომდინარე, ამ შემთხვევაშიც, რა თქმა უნდა, სალომე ზურაბიშვილი შეგნებულად გადის კონსტიტუციური ჩარჩოდან და უხეშად არღვევს საქართველოს კონსტიტუციას. ეს არის განგრძობითი პროცესი, რაც მან დაანონსა, თქვა, რომ უხეშად კონსტიტუციის დარღვევას განაგრძობს, რაც ძალიან სამწუხარო მოვლენაა“,- განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა

თბილისის მერია - ე.წ. ცხოველთა დამცველები დაკავებულები არიან დესტრუქციული ქმედებებით - მოვუწოდებთ შესაბამის ორგანოებს, შეისწავლონ საქმე და მისცენ მას სამართლებრივი რეაგირება