რუსული ავიაკომპანია "აზიმუტი" (Azimuth Airlines), სოჭი-თბილისის და მოსკოვი-ბათუმის მიმართულებით ავიარეისებს იწყებს. ამის შესახებ ავიაკომპანიის ოფიციალურ ვებგვერდზე გამოქვეყნებულ ინფორმაციაშია აღნიშნული.

ავიაკომპანიის ცნობით, მოსკოვის „ვნუკოვოს“ აეროპორტიდან ბათუმის მიმართულებით ავიარეისების განხორციელება 9 ოქტომბრიდან, სოჭიდან თბილისში კი, 11 ოქტომბრიდან დაიწყება.

მათივე ცნობით, სოჭი-თბილისი-სოჭის ავიარეისები ყოველ ოთხშაბათსა და შაბათს, მოსკოვი-ბათუმი-მოსკოვის მიმართულებით კი, ორშაბათს და ხუთშაბათს შესრულდება.

შეგახსენებთ, რომ  10 მაისს რუსეთის პრეზიდენტმა, ვლადიმერ პუტინმა რუსული ავიახაზებისთვის საქართველოსთან ფრენის აკრძალვა გააუქმა. საქართველოს მოქალაქეებისთვის ასევე გაუქმდა სავიზო რეჟიმი. ოფიციალურ პორტალზე გამოქვეყნებული განკარგულების თანახმად, გადაწყვეტილება ძალაში 2023 წლის 15 მაისიდან შევიდა. 

ამასთან, 15 მაისს საქართველოს სამოქალაქო ავიაციის სააგენტომ გაავრცელა ინფორმაცია, რომლის მიხედვითაც, საქართველოსა და რუსეთის ფედერაციას შორის ფრენების განსახორციელებლად ავიაკომპანია Azimuth Airlines-ზე აუცილებელი ნებართვა გაიცა. ხოლო 19 მაისს, ავიაკომპანია Azimuth-მა, თბილისი-მოსკოვის მიმართულებით პირველი ფრენა განახორციელა. 

ავტორი: ექსპრესნიუსი,

სოციალური ქსელები

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა