კომერციულმა ბანკებმა პრინციპულად ძალიან სწორი განცხადებები გააკეთეს. მათ თქვეს, რომ ისინი დაიცავენ სანქციების რეჟიმსაც, საქართველოს კანონმდებლობასაც და ეს იყო ძალიან სწორი პოზიცია, რაც დაიკავეს საბანკო სექტორის წარმომადგენლებმა, - ამის შესახებ „ქართული ოცნების“ თავმჯდომარე ირაკლი კობახიძემ გადაცემაში „ღამის კურიერი“,  ეროვნული ბანკის მიერ სანქციათა რეჟიმის შესრულების წესში განხორციელებულ ცვლილებებთან დაკავშირებით კომერციული ბანკების განცხადებების შესახებ საუბრისას განაცხადა. 

კითხვაზე დაემორჩილებიან თუ არა კომერციული ბანკები ახალ რეგულაციას, კობახიძემ განმარტა, რომ მათთვის პრაქტიკულად არაფერი შეცვლილა. 

მისივე თქმით, არ შეიძლება, ვიღაცამ მტკიცებულების გარეშე სისხლის სამართლებრივი წესით დასაჯოს საქართველოს მოქალაქე.
 
„პრაქტიკულად არც არაფერი შეცვლილა, გამომდინარე იქიდან, რომ ოთარ ფარცხალაძესაც შეუწყდა მოქალაქეობა. პერსპექტივაში, ვიღაცას მტკიცებულების გარეშე რომ წაეყენოს ასეთი ბრალი და დაეკისროს სანქციები, რა თქმა უნდა იქ ეს რეგულაცია უნდა მოქმედებდეს. არ შეიძლება მტკიცებულების გარეშე ვიღაცამ სისხლის სამართლებრივი წესით, დე ფაქტო თუნდაც, დასაჯოს საქართველოს მოქალაქე. უბრალოდ არ შეიძლება და რა თქმა უნდა, ეს რეგულაცია ასეთ შემთხვევაში უნდა გავრცელდეს ნებისმიერ მოქალაქეზე და ნებისმიერ ქართულ კომპანიაზე“, - განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში