უკრაინის პრეზიდენტი ვოლოდიმირ ზელენსკი სამუშაო ვიზიტით აშშ-ში ჩავიდა. აღნიშნულის შესახებ ინფორმაციას უკრაინის პრეზიდენტი Telegram-ზე ავრცელებს.

ზელენსკის თქმით, ვიზიტის ფარგლებში დაგეგმილია მოლაპარაკებები აშშ-ის პრეზიდენტთან, კონგრესის, პალატებისა და პარტიების ლიდერებთან, ასევე სამხედრო ხელმძღვანელობასთან.

"აეროპორტიდან სასწრაფოდ მივდივარ ჩვენს ჯარისკაცებთან, რომლებიც მკურნალობას და რეაბილიტაციას გადიან ამერიკაში. უპირველეს ყოვლისა, ჩვენი ხალხის მხარდაჭერა და მადლობა მათ, ვინც ეხმარება უკრაინას და უკრაინელებს. შემდეგ მნიშვნელოვანი და დატვირთული დღეებია. გაეროს გენერალური ასამბლეა, მდგრადი განვითარების მიზნების სამიტი, უშიშროების საბჭო. უკვე იგეგმება მნიშვნელოვანი ორმხრივი შეხვედრები.

სახელმწიფოს ტერიტორიული მთლიანობა არის ყველა ძირითადი საერთაშორისო დოკუმენტის, მათ შორის გაეროს წესდების ძირითადი პრინციპი და ის აუცილებლად უნდა აღდგეს. ეს დოკუმენტი, რომელიც რუსეთის შემოსევის შედეგად განადგურდა სრულად უნდა აღდგეს და გაზარდოს ორგანიზაციის უნარი, შეაჩეროს და თავიდან აიცილოს აგრესია. უკრაინა გაეროს წევრებს ამ კუთხით მკაფიო წინადადებას გაუკეთებს.

ვაშინგტონში დაგეგმილია მოლაპარაკებები აშშ-ის პრეზიდენტთან, კონგრესის, პალატებისა და პარტიების ლიდერებთან და სამხედრო ხელმძღვანელობასთან. მე შევხვდები ამერიკელ ბიზნესმენებს, ჟურნალისტებსა და საზოგადოებას",- წერს ზელენსკი.

ავტორი: ექსპრესნიუსი,

სოციალური ქსელები

ფინეთისა და ნორვეგიის ლიდერებმა პუტინს აცნობეს ზელენსკის მზადყოფნის შესახებ, პირად შეხვედრაზე განიხილოს ტერიტორიული საკითხი

პენტაგონმა ბალტიისპირეთის ქვეყნებს მოუწოდა, თავი შეიკავონ რუსეთის წინააღმდეგ მკაცრი განცხადებებისგან

ბათუმში მაღაზია გაქურდეს – დააკავეს ორი არასრულწლოვანი

ნორვეგიის ჰელსინკის კომიტეტი - ჩვენ ვგმობთ „ქართული ოცნების“ მცდელობას, საკონსტიტუციო სასამართლოს მეშვეობით აკრძალოს ხუთი ოპოზიციური პარტია