ხარჯების გასაჯაროების შემდეგ ვნახავთ, ხალხის ხარჯზე კიდევ რით იყო დაკავებული სააკაშვილი, დემოკრატიის შუქურა, რომლის გამოხსნას გარედან სხვადასხვა პოლიტიკური ჯგუფი ცდილობს,- ამის შესახებ პარლამენტის თავმჯდომარემ, შალვა პაპუაშვილმა განაცხადა.

პაპუაშვილის თქმით, თავდაცვის სამინისტრომ აღნიშნულ საკითხზე გრიფისთვის საიდუმლოს მოხსნასთან დაკავშირებით გადაწყვეტილება უკვე მიიღო.

"სააკაშვილის ხარჯების გასაჯაროებას რაც შეეხება, რთული იყო, წარმოგვედგინა, კიდევ რა შეიძლება ყოფილიყო, გაგვეგო ბიუჯეტის ხარჯზე სააკაშვილის ფუფუნებისკენ მიდრეკილი ცხოვრების შესახებ, მას შემდეგ, რაც აქამდე მოსმენილი გვქონდა, დაწყებული პერსონალურ სამედიცინო მომსახურებაზე, გაგრძელებული საკუთარი შვილის სკოლის ფულის გადასახადის ბიუჯეტიდან გადახდაზე, რაც სამარცხვინო საქციელია. ამის შემდეგ დამატებით აღმოჩნდა ახალი ინფორმაცია. ეს ყველასთვის სიურპრიზი იყო და აქამდე არ იყო ცნობილი, როგორ იყენებდა სააკაშვილი სახელმწიფო თვითმფრინავს და ბიუჯეტის ფულს, რათა პირადი ტურისტული მოგზაურობები მოეწყო ვიღაცების საფლავზე, რაღაც ღირშესანიშნავ ადგილებში. ეს ინფორმაცია ცნობილი როცა გახდა, როგორც ჩანს, თავდაცვის სამინისტრო დაინტერესდა, როგორ ხდებოდა ეს ყველაფერი. აღმოჩნდა, რომ არსებობს გრიფით საიდუმლო დოკუმენტები, რომელშიც სავარაუდოდ, ეს მონაცემები არის აღწერილი. შესაბამისად, როგორც ვიცი, თავდაცვის სამინისტრომ უკვე მიიღო გადაწყვეტილება ამ გრიფისთვის საიდუმლოს მოხსნასთან დაკავშირებით.

საზოგადოება გაიგებს, რასთან გვქონდა საქმე და შევხედავთ, ჩვენი ხალხის ფულის ხარჯზე კიდევ რით იყო დაკავებული ეს ფუფუნების მოყვარული ადამიანი, დემოკრატიის შუქურა, რომლის რამენაირად ციხიდან გამოხსნას ცდილობს გარედან სხვადასხვა პოლიტიკური ჯგუფი და პოლიტიკური კორუფციით ერთმანეთთან დაკავშირებული ქსელი",- განაცხდა პაპუაშვილმა.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში