ხაბეიშვილი ფარცხალაძეზე - ბიძინა - ბორენკა, ხედავ? გიახლოვდებიან

2023-09-14 22:35:42, 750 ნახვა

პოლიტიკა

დასასანქცირებელთა ჩამონათვალი საკმაოდ ფართოა და დარწმუნებული ვარ, ყველა საქართველოს მოღალატე, პუტინის მოკავშირე აუცილებლად აგებს პასუხს… ბიძინა - ბორენკა, ხედავ? გიახლოვდებიან, - ასე გამოეხმაურა "ნაციონალური მოძრაობის" თავმჯდომარემ, ლევან ხაბეიშვილმა საქართველოს ყოფილი პროკურორის, ოთარ ფარცხალაძეს დასანქცირების საკითხს.

როგორც ხაბეიშვილი აღნიშნავს, დასანქცირებული პირების სია კვლავ გაიზრდება.

"2022 წლის მაისში, მას შემდეგ, როცა უკვე გამოკვეთილი იყო ივანიშვილისა და მისი კრიმინალური, რუსული პარტიის პუტინისტური მისწრაფებები, ვთქვით და დავიწყეთ მუშაობა ოლიგარქებზე, რომლებიც პუტინს ეხმარებიან ომში და რუსულ ეკონომიკაში ასხამენ მილიარდებს...

ივანიშვილის გარემოცვაში გამოვკვეთეთ, თავად პუტინის ხელდასხმული ბორენკა და კიდევ 5 ოლიგარქი... მალევე უკრაინამ, ზელენსკიმ ყველა ეს პირი დაასანქცირა. მას შემდეგ, წელიწადზე მეტი გავიდა და ამერიკის შეერთებულმა შტატებმა ამ 6-დან ერთი, ბოტასების ქურდი, ივანიშვილის რჩეული პროკურორი დაასანქცირა...

ცხადია, გაგრძელება იქნება და ბევრად უფრო საინტერესო, ვიდრე ვინმეს წარმოუდგენია...

მახსოვს, 2022 წლის მაისში გაკვირვებით და ცოტათი ირონიულად კითხულობდნენ, მათ შორის, მედიის წარმომადგენლები : მართლა გგონიათ, რომ დაასანქცირებენ თქვენს მიერ დასახელებულ პირებს?.. დიახ, დიახ ასე იქნება და არის!

ცნობისთვის, ამერიკის შეერთებული შტატების ხაზინის დეპარტამენტმა 150-ზე მეტ კომპანიასა და პირს სანქციები დაუწესა. მათ შორისაა, საქართველოს ყოფილი გენერალური პროკურორი ოთარ ფარცხალაძე.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,