2015-02-10 14:22:47, 2131 ნახვა
ეკონომიკა
ხადური: ნახევარლიტრიან ლუდზე აქციზი 10 თეთრით გაიზრდება
ფინანსთა მინისტრის ნოდარ ხადურის განცხადებით, ადგილობრივ და უცხოური წარმოების ნახევარლიტრიან ბოთლ ლუდზე აქციზი 10 თეთრით გაიზრდება.
ამის შესახებ ხადურმა რეკონსტრუქციისა და განვითარების ბანკთან ურთიერთთანამშრომლობის მემორანდუმი გაფორმების შემდეგ განაცხადა.
მისივე თქმით, ფინანსთა სამინისტრომ ლუდის მწარმოებლებთან მოლაპარაკებების შედეგად, აქციზის ამოქმედება გარკვეული დროით გადაიდო.
„ლუდის მწარმოებლებთან გვქონდა კომუნიკაცია, ოქტომბრიდან დაწყებული რამდენჯერ შევხვდით მათ. იმის გამო, რომ მათ ვადა სჭირდებოდათ, ჩვენ ლუდის აქციზის ამოქმედება გადავავადეთ, ასევე გავანახევრეთ გასაზრდელი აქციზი. მინდა აღვნიშნო, რომ დღეის მდგომარეობით, ადგილობრივი და უცხოური წარმოების ნახევარლიტრიან ბოთლ ლუდზე აქციზი 10 თეთრით გაიზრდება“,-განაცხადა ნოდარ ხადურმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
