საერთაშორისო დელეგაცია საოკუპაციო ხაზთან - ამერიკელი და ევროპელი მაღალი რანგის თანამდებობის პირები სოფელ ოძისში საოკუპაციო ხაზთან ჩავიდნენ.

"დიდი ხნის წინ ვარ ნამყოფი სხვა ადმინისტრაციულ სასაზღვრო ხაზთან, მანამდე, ვიდრე რუსეთის უკრაინაში სრულმასშტაბიანი შეჭრა მოხდებოდა. მაგრამ, ამ დროს, კიდევ უფრო მნიშვნელოვანია, სოლიდარობის ჩვენება და ნახვა, თუ რა ხდება. ყველა ჩვენგანისთვის საკმაოდ იმედგამაცრუებელია იმის ნახვა, რომ ამ დრომდე, ყველა საერთაშორისო მოლაპარაკებას აქვს ნულოვანი შედეგი იმაზე, რასაც საქართველო რეალურად იმსახურებს. ყოველ ჯერზე, ვისმენთ, რომ ვითარება არ უმჯობესდება მიუხედავად იმისა, რომ თბილისში პოლიტიკური განვითარება ცდილობს რუსეთთან დაახლოებას, მაგრამ შედეგი ეს არის. ტერიტორიული მთლიანობა, რომელიც ჩვენთვის პრიორიტეტია ევროპარლამენტსა და ევროპულ ინსტიტუტებში, ჯერ კიდევ ნულოვანია. აქ არსებული სიტუაცია გვახსენებს, რამდენად დიდი შეცდომა იყო, რომ საქართველოში, რუსეთის ოკუპაციის შემდგომ არ განხორციელდა თანმიმდევრული ქმედებები. ახლა უკრაინაში, რა თქმა უნდა, ვხედავთ უზარმაზარ სოლიდარობას. მოქმედებს სანქციები, მაგრამ საქართველოსთან დაკავშირებით არ ვყოფილვართ ისეთივე თანმიმდევრულები, როგორც უკრაინაში, რაც ჩემი აზრით, დიდი შეცდომა იყო." - განაცხადა კრამონმა.

ხვალ კი თბილისში გაიხსნება მე-7 საერთაშორისო კონფერენცია სახელწოდებით ''პუტინიზმის დამარცხება.'' მაკკეინის ფონდის ორგანიზებით გამართული კონფერენციის მონაწილეები საქართველოსთვის, უკრაინისთვის და მთლიანად რეგიონისთვის "პუტინიზმის" დამარცხების მნიშვნელობაზე ისაუბრებენ.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს