2023-08-08 16:41:48, 561 ნახვა

---

დაცული ტერიტორიების სააგენტო - საქართველოს ტერიტორიაზე ჰაერის ტემპერატურის მოსალოდნელი მომატება ბუნებაში ხანძრების გაჩენის ხელშემწყობ პირობას წარმოადგენს

საქართველოს ტერიტორიაზე ჰაერის ტემპერატურის მოსალოდნელი მომატება ბუნებაში, განსაკუთრებით, ტყეებში, ხანძრების გაჩენის ხელშემწყობ პირობას წარმოადგენს. ამის შესახებ ინფორმაციას დაცული ტერიტორიების სააგენტო ავრცელებს.

დაცული ტერიტორიების სააგენტო მოქალაქეებს აძლევს იმ რეკომენდაციებს, რომლებიც მათ ბუნებაში ყოფნის პერიოდში უნდა გაითვალისწინონ.

"გახსოვდეთ, კლიმატის გლობალურმა ცვლილებამ ბუნებრივი კატასტროფების რისკი მნიშვნელოვნად გაზარდა. ამ ფონზე, ადამიანების დაუდევრობა კიდევ უფრო სავალალო შედეგების მომტანი ხდება.

დაცული ტერიტორიების სააგენტო გაფრთხილებთ !!!

ბუნებაში გასვლისას გამოიჩინეთ მაქსიმალური ყურადღება:

• არ დაანთოთ კოცონი სპეციალურად გამოყოფილი ადგილების (საცეცხლურები) გარდა
• ტერიტორიის დატოვებამდე დარწმუნდით, რომ ცეცხლი ჩამქვრალია
• არ გადააგდოთ სიგარეტის ნამწვი
• არ დააბინძუროთ ბუნება, განსაკუთრებით, თუნუქისა და მინის ქილებით.

გაუფრთხილდით გარემოს!", - ნათქვამია ინფორმაციში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი