ახლა, ვილნიუსისკენ მიმავალ გზაზე, ვიღებთ სიგნალებს, რომ კონკრეტული ტექსტი განიხილება უკრაინის მონაწილეობის გარეშე,- ამის შესახებ უკრაინის პრეზიდენტი ვოლოდიმირ ზელენსკი ნატოს სამიტთან დაკავშირებით სოციალურ ქსელში წერს.

ზელენსკის განცხადებით, "უპრეცედენტოდ აბსურდულია" ის, რომ უკრაინის ნატო-ში მიპატიჟებისა და წევრობისთვის დროის ჩარჩო განსაზღვრული არ არის.

სახელმწიფოს მეთაური ვარაუდობს, რომ არ არსებობს მზადყოფნა, არც უკრაინის ნატოში მიწვევისა და არც მისი ნატოს წევრად ქცევისთვის.

"ჩვენ ვაფასებთ ჩვენს მოკავშირეებს, ჩვენ ვაფასებთ საერთო უსაფრთხოებას და ყოველთვის ვაფასებთ ღია საუბრებს. უკრაინა წარმოდგენილი იქნება ვილნიუსში, რადგან ეს პატივისცემას ეხება, მაგრამ უკრაინაც იმსახურებს პატივისცემას.

ახლა, ვილნიუსისკენ მიმავალ გზაზე, ვიღებთ სიგნალებს, რომ კონკრეტული ტექსტი განიხილება უკრაინის მონაწილეობის გარეშე. უპრეცედენტოდ აბსურდულია, რომ დროის ჩარჩო არ არის განსაზღვრული უკრაინის არც ნატოში მიპატიჟებისა და არც ნატოს წევრობისთვის. ამავე დროს, უკრაინის ნატოში მიწვევისთვის რაღაც ბუნდოვანი პირობებია გათვალისწინებული. როგორც ჩანს,  არ არსებობს მზადყოფნა, არც უკრაინის ნატოში მიწვევისთვის და არც მისი ნატოს წევრად ქცევისთვის.

ეს ნიშნავს, რომ შესაძლებლობის ფანჯარა გამოიყენება იმისთვის, რომ უკრაინის ნატოში წევრობა გამოყენებულ იქნას რუსეთთან ვაჭრობისთვის. რუსეთისთვის ეს ნიშნავს მოტივაციას, რომ გააგრძელოს ტერორი. გაურკვვევლობა სისუსტეა. მე ამის შესახებ ღიად ვისაუბრებ სამიტზე",- წერს ზელენსკი Telegram-ზე.

ავტორი: ექსპრესნიუსი,

სოციალური ქსელები

რუსული ტანკერები აშშ-ისკენ მიემართებიან, თუმცა კომპანიები გამოძიების შიშით, უარს ამბობენ საწვავის შეძენაზე, თუნდაც ფასდაკლებით

ტრამპი: მე არ დამიწყია ომი ირანთან, მათ დაიწყეს ჩვენთან ომი

საქართველოს ბანკის YouTube პროექტის - CREATOR-ის მეორე სეზონი იწყება

„შავი პარასკევი“ „მაზდა ცენტრი თეგეტაში“ - ბრენდის ყველაზე მოთხოვნად მოდელებზე 20%-მდე ფასდაკლება 1-ელი ნოემბრიდან იწყება