კუბილიუსი სააკაშვილზე - იმ პირის ციხეში გაჩერება, რომლის ჯანმრთელობის მდგომარეობა მძიმეა, წამების პოლიტიკას უდრის

2023-07-04 11:56:29, 641 ნახვა

პოლიტიკა

ევროპარლამენტარი ანდრიუს კუბილიუსი საქართველოს მესამე პრეზიდენტის, მიხეილ სააკაშვილის გუშინდელ სასამართლო პროცესს ეხმიანება.

კუბილიუსის თქმით, იმ პირის ციხეში გაჩერება, რომლის ჯანმრთელობის მდგომარეობა მძიმეა, სამთავრობო დაწესებულებების მიერ მიზანმიმართული წამების პოლიტიკას უდრის.

"იმ პირის ციხეში გაჩერება, რომლის ჯანმრთელობის მდგომარეობა მძიმეა, უდრის სამთავრობო დაწესებულებების მიერ მიზანმიმართული წამების პოლიტიკას.

წამების აღწერა წამების წინააღმდეგ კონვენციის მიხედვით: "როდესაც ასეთი ტკივილი ან ტანჯვა მიყენებულია თანამდებობის პირის ან სამსახურებრივი მოვალეობის შემსრულებელი სხვა პირის მიერ ან წაქეზებით ან თანხმობით",- წერს კუბილიუსი.

შეგახსენებთ, რომ გუშინ, 3 ივლისს თბილისის საქალაქო სასამართლოში 7 ნოემბრის საქმეზე პროცესი გაიმართა.

სხდომას მესამე პრეზიდენტი მიხეილ სააკაშვილი კლინიკა "ვივამედიდან" დისტანციურ რეჟიმში ესწრებოდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,