თავის თავში ჩაიხედოს, სხვას რომ აბრალებს, რა შუაშია ხელისუფლება? იქნებ, მისი გინების ბრალია ის, რომ ვიღაცამ შეურაცხყოფა მიაყენა. რატომ იშვერს ხელს ხელისუფლებისკენ, როდესაც კონკრეტულ  ადამიანებს აგინებდა, იქნებ ეს იყო მიზეზი. მის მიმართ კონკრეტულ ქმედებასთან დაკავშირებით, ხომ არის უკვე პირი აყვანილი? დამთავრებული ამბავია, ამიტომ, აქედან ჩანს, რომ ეს არის სამარცხვინო სპეკულაცია, - ასე უპასუხა პარტია „ქართული ოცნების“ თავმჯდომარემ, ირაკლი კობახიძემ მიშა მშვილდაძეზე განხორციელებული თავდასხმის საქმეში სახელმწიფო სტრუქტურების შესაძლო კავშირის შესახებ დასმულ შეკითხვას.

კობახიძის განცხადებით, ყველამ უნდა გაითავისოს, რომ შუღლის გაღვივების არც ერთი ფორმა სამოქალაქო აქტივიზმი არ არის.

მან ასევე აღნიშნა, რომ მშვილდაძე როდესაც ხელისუფლებას ადანაშაულებს, მას პოლიტიკური მიზანი აქვს და პოლარიზაციას აღვივებს.

„კაცი, რომელიც დედას იგინება ყოველი ფეხის ნაბიჯზე, იღებს მერე ამაზე პასუხს, საკუთარ თავს უნდა ადანაშაულებდეს მგონი პირველ რიგში. რა თქმა უნდა, მას აქვს პოლიტიკური მიზანი, როცა ასეთ განცხადებებს აკეთებს და საკუთარ გულში ჩაიხედოს, როცა შეურაცხყოფას აყენებდა უამრავ ადამიანს თავის გარშემო. ისიც არის პოლარიზაციის ერთ-ერთი მთავარი გამღვივებელი ჩვენს ქვეყანაში, ეს ყველამ იცის.

ყველას მოვუწოდებ, რომ ნუ აღვივებენ შუღლს ამ ქვეყენაში, იგივე მშვილდაძე ნუ აღვივებს შუღლს ამ ქვეყანაში, სხვებიც. შუღლის გაღვივება გახდა სამოქალაქო აქტივიზმი ამ ქვეყანაში, არ არის ეს სამოქალაქო აქტივიზმი და ყველამ შეიგნოს ეს - არც ფიზიკური ძალადობა არ არის სამოქალაქო აქტივიზმი და არც შუღლის გაღვივების სხვა  მცდელობა, სხვა ფორმები. არც მიშა მშვილდაძე არ არის სამოქალაქო აქტივისტი და  არც ის, ვინც ფიზიკური შეურაცხყოფა მიაყენა მას. ზოგადად, არც ფიზიკური და ვერბალური ძალადობა, რასაც ეწეოდნენ მშვილდაძე თუ ის ადამიანი, რომლმაც მას ფიზიკური შეურაცხყოფა მიაყენა, არც ერთი და არც მეორე არ არის სამოქალაქო აქტივიზმი“, - განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

ტრამპმა მაგიდაზე წითელი ქუდი გადმოკიდა წარწერით „ვეტო“

საფრანგეთში გამართულ საპროტესტო აქციებში თითქმის 1.6 მილიონი ადამიანი მონაწილეობდა

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა