დღეს, საპარლამენტო ტრიბუნაზე, თქვენი სახით, ბ-ნო ირაკლი დგას ქვეყნის მოღალატე, რომელიც საქართველოს მიზანმიმართულად ართმევს ევროპულ მომავალს,- ასე მიმართა "ერთიანი ნაციონალური მოძრაობის" ფრაქციის თავმჯდომარემ, თინა ბოკუჩავამ პრემიერ-მინისტრ ირაკლი ღარიბაშვილს პარლამენტის პლენარულ სხდომაზე, სადაც დღეს მთავრობის მეთაურის ყოველწლიური ანგარიშის მოსმენა მიმდინარეობს.

როგორც ბოკუჩავამ სიტყვით გამოსვლისას განაცხადა, საქართველოს მთავრობა რუსულ საქმეს აკეთებს.

"ეს ქვეყნის ეროვნული ინტერესების ღალატია, რადგან ქვეყნის ერთადერთი ინტერესი დღეს ევროპული ინტერესია. ქვეყნის ღალატია ის, რომ პირდად თქვენ ომს ნატოს აბრალებთ და ახლა უკვე ჩვენ; ქვვეყნის ღალატია ჩვენი ეკონომიკის ტერორისტ რუსეთზე ჩამოკიდება; ქვეყნის ღალატია ჩვენი ტერიტორიის რუსეთზე დაკისრებული სანქციების თავის არიდების დერეფნად გამოყენება; ქვეყნის ღალატია რუსეთის მოქალაქეების უკონტროლო შემოდინების დაშვება; ქვვეყნის ღალატია მალული მოლაპარაკების გზით საჰაერო, საზღვაო და სარკინიგზო მიმოსვლის აღდგენა; ქვეყნის ღალატია "რუსული კანონის" მიღების მცდელობა; ქვეყნის ღალატია "მეორე ფრონტის" მითის მოგონება; ქვეყნის ღალატია ევრორეკომენდაციების მიზანმიმართული უგულებელყოფა; ქვეყნის ღალატია საქართველოს მესამე პრეზიდენტის ციხეში გამომწყვდევა პუტინის საამებლად, როცა მთელი თავისუფალი სამყარო მისი გათავისუფლებისკენ მოგიწოდებთ, მაგრამ მიშა სააკაშვილის ყველგან და ყოველთვის ეშინოდა ბიძინა ივანიშვილს და ეშინია დღესაც... სიმართლის გეშინიათ და ამიტომ გეშინიათაც ხალხისაც. გეშინიათ ახლგაზრდების,  თავად მონურ მორჩილებაში გეშინიათ მათი თავისუფლების, ბ-ნო ირაკლი; თავად რუსული საქმის მკეთებელს გეშინიათ მათი ევროპულობის; გეშინიათ მათი სიტყვების და მათი უსიტყვობის და მზად ხართ, თეთრი ფურცლის გამო დააპატიმროთ... ყველგან და ყოველთვის შეგახსენებთ, რომ თქვენ და თქვენი ბანდიტოკრატიული მთავრობა რუსულ საქმეს აკეთებთ, მაგრამ აქვე გეტყვით, რომ დამარცხდებით",- მიმართა ბოკუჩავამ პრემიერ-მინისტრს. 

ავტორი: ექსპრესნიუსი,

სოციალური ქსელები

ტრამპმა მაგიდაზე წითელი ქუდი გადმოკიდა წარწერით „ვეტო“

საფრანგეთში გამართულ საპროტესტო აქციებში თითქმის 1.6 მილიონი ადამიანი მონაწილეობდა

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა