90-იან წლებში იყო ასეთი ტერმინი -„ მდედრიონი“. ეს იყო  ეგზალტირებულ ქალთა  გაერთიანება, რომელთა წვლილი თბილისში სამოქალაქო ომის დაწყებაში ძალიან დიდი იყო. ჩვენს  კოლეგებს არ ახსოვთ ეტყობა, ისტორია და ის ბოღმა, ღვარძლი,  სიბოროტე, რასაც ზოგიერთი ქალბატონი დეპუტატი სხდომათა დარბაზში აფრქვევდა, დღეს, პირდაპირ ხელს აძლევს რუსეთს იმისთვის, რომ ქვეყანაში იყოს მუდმივი შიდა დაპირისპირება, - განაცხადა საპარლამენტო უმრავლესობის წევრმა, მაია ბითაძემ პარლამენტის პლენარულ სხდომაზე.

მისი თქმით, ოპოზიციის წარმომადგენლები რუსულ საქმეს აკეთებენ იმისთვის, რომ საქართველომ კანდიდატის სტატუსი არ მიიღოს.

 „ისინი უკვე ამას აღარ მალავენ, სანქციების მოთხოვნაზე საუბრობენ. ქალს, ზოგადად, აქვს დედის ინსტიქტი და  მშვიდობა სურს, მაგრამ  ჩვენს ოპოზიციონერ  ქალბატონებს  ეს ინსტიქტი, როგორც ჩანს, გამქრალი აქვთ და ვაგნერელებადაც კი იქცნენ - მათ მხარდამჭერებად“,- აღნიშნა მაია ბითაძემ.

მისი თქმით,  დეპოლარიზაცია არ ნიშნავს, რომ  თუ ერთი მხარე იცრუებს, ქვეყანას ავნებს,  მეორე მხარემ პასუხი არ უნდა  გასცეს. 

„ვიცოდი, რომ ჩვენმა ოპოზიციონერებმა ინგლისური იცოდნენ.  ისიც ვიცოდი, რომ მათი ტელევიზიების ზოგიერთმა თარჯიმანმა ინგლისური არ იცის, მაგრამ დღეს აქ ისეთი ტყუილი მოვისმინეთ სტოკჰოლმში გაკეთებულ შეფასებებთან დაკავშირებით,  რომ არ შემიძლია, არ გამოვყო. იქ ითქვა, რომ 3  რეკომენდაცია 12-დან არის სრულად შესრულებული, 8- ზე ითქვა, რომ არის პროგრესი“,- განაცხადა მაია ბითაძემ.

მისი თქმით,  „ნაციონალური მოძრაობის“ წარმომადგენლები მიზანმიმართულად ქმნიან ფონს, რომ ქვეყანამ „ქართული ოცნების“ ხელისუფლებაში ყოფნისას კანდიდატის სტატუსი არ მიიღოს.

ავტორი: NS (სტატია დაფინანსებულია),

სოციალური ქსელები

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა

ტრამპმა მაგიდაზე წითელი ქუდი გადმოკიდა წარწერით „ვეტო“

საფრანგეთში გამართულ საპროტესტო აქციებში თითქმის 1.6 მილიონი ადამიანი მონაწილეობდა