აშშ-ის სახელმწიფო დეპარტამენტი რუსეთში განვითარებულ მოვლენებს პუტინის რეჟიმის გამოწვევად აფასებს,- აღნიშნულის შესახებ სახელმწიფო დეპარტამენტის წარმომადგენელმა, მეთიუ მილერმა განაცხადა.

მილერის თქმით, რუსეთში განვითარებული მოვლენები აძლიერებს ვაშინგტონის შეშფოთებას არასტაბილურობის შესახებ, რაც „ვაგნერს“ ნებისმიერ ქვეყანაში შესვლისას მოაქვს.

„რა თქმა უნდა, ახალია პრეზიდენტ პუტინის ხელმძღვანელობის პირდაპირი გამოწვევა. ახალია იმის დანახვა, რომ ევგენი პრიგოჟინი პირდაპირ ეჭვქვეშ აყენებს ამ ომის აზრს და აცხადებს, რომ ომი არსებითად ტყუილზე დაყრდნობით წარიმართა. ჩვენ ეს ადრეც განვაცხადეთ, მაგრამ რუსი მაღალჩინოსნებისგან მსგავსი განცხადება ნამდვილად არ მოგვისმენია. ეს ყველაფერი მნიშვნელოვანი ნაბიჯია და რა შედეგები მოჰყვება ამას, ვფიქრობ, გასარკვევია“,- განაცხადა მილერმა.

შეგახსენებთ, 23 ივნისს რუსული კერძო სამხედრო დაჯგუფების, „ვაგნერის“ ხელმძღვანელმა, ევგენი პრიგოჟინმა რუსეთის თავდაცვის სამინისტრო "ვაგნერის" ბანაკებზე სარაკეტო თავდასხმაში დაადანაშაულა. 

24 ივნისს, პრიგოჟინმა გაავრცელა ვიდეომიმართვა და განაცხადა, რომ როსტოვის სამხედრო ობიექტები, მათ შორის აეროდრომი „ვაგნერის" კონტროლის ქვეშ იყო, თავად კი, დაჯგუფებასთან ერთად მოსკოვისკენ მიემართებოდა.

შექმნილ ვითარებაზე საგანგებო განცხადება გააკეთა რუსეთის პრეზიდენტმა, ვლადიმერ პუტინმა და თქვა, რომ "პრიგოჟინის ქმედებები ღალატის ტოლფასია და მოსკოვს ამაზე მკაცრი რეაგირება ექნება".

მოგვიანებით, ევგენი პრიგოჟინმა კიდევ ერთი აუდიომიმართვა გაავრცელა და აღნიშნა, რომ კერძო სამხედრო დაჯგუფება „ვაგნერი" უკან იხევდა და საველე დისლოკაციის ადგილზე ბრუნდებოდა.

აღნიშნულის შემდეგ, რუსეთის ფედერაციის პრეზიდენტის პრესმდივანმა, დიმიტრი პესკოვმა განაცხადა, რომ პრიგოჟინის წინააღმდეგ რუსეთში აღძრული სისხლის სამართლის საქმე შეწყდება, თავად "ვაგნერის" ხელმძღვანელი კი, ბელარუსში გაემგზავრება.

ამასთან, გუშინ 26 ივნისს, ევგენი პრიგოჟინმა მიმართა გაავრცელა და განაცხადა, რომ “ვაგნერის” დაჯგუფებას, არ სურდა რუსული სისხლის დაღვრა და აღნიშნული ოპერაცია პროტესტის დემონსტრირებისთვის განახორციელა და არა ქვეყანაში ხელისუფლების დასამხობად. 

ავტორი: ექსპრესნიუსი,

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს