ჩვენი პოლიტიკაა, რომ ჩვენ არ ვუშვებთ, საქართველოს ტერიტორია გამოყენებული იქნას საერთაშორისო სანქციების გვერდის ავლისთვის,- ამის შესახებ პარლამენტის თავმჯდომარემ, შალვა პაპუაშვილმა განაცხადა.

როგორც პაპუაშვილმა ჟურნალისტებს უთხრა, "არცერთი ფაქტი ეჭვის დონეზეც კი არ დადასტურებულა". 

"არცერთი კითხვის ნიშანი საქართველოს მიმართ არ არსებობს რაც შეეხება სანქციების რეჟიმს. ჩვენი პოლიტიკაა, რომ ჩვენ არ ვუშვებთ, საქართველოს ტერიტორია გამოყენებული იქნას საერთაშორისო სანქციების გვერდის ავლისთვის და არცერთი ფაქტი ეჭვის დონეზეც კი არ დადასტურებულა და უფრო მეტიც, დაახლოებით, 1 300-მდე საზღვრის კვეთა, გადაზიდვა შეჩერდა, ვინაიდან იყო ან სანქცირებულ კომპანიასთან დაკავშირებული ან ისეთი საგნები, რომლებიც სანქციების ქვეშ იყო. სხვათაშორის, გამომგზავნები იყვნენ მათ შორის ევროკავშირის წევრი ქვეყნები, ამერიკის შეერთებული შტატები. ამიტომ, პრობლემები უნდა ვეძებოთ იქ, საიდანაც იგზავნება სანქცირებული ტვირთი და იქ უნდა ვეძებოთ, სადაც იგზავნება",- აცხადებს შალვა პაპუაშვილი.

ცნობისთვის, დღეს საქართველოს სანქციების საკითხებში ვროკავშირის სპეციალური წარმომადგენელი დევიდ ო'სალივანი ორდღიანი ვიზიტით ეწვევა. ევროკავშირის წარმომადგენლობის ცნობით, ო'სალივანი საქართველოს ხელისუფლებასთან სანქციებსა და მათ ეფექტიან განხორციელებას განიხილავს.

ავტორი: ექსპრესნიუსი,

სოციალური ქსელები

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება