აღინიშნა, რომ პროგრესია 12-დან 3 რეკომენდაციასთან დაკავშირებით და ისიც, რომ უფრო მეტი უნდა გაკეთდეს სხვა სფეროებში,- ამის შესახებ საქართველოში აშშ-ის ელჩმა, კელი დეგნანმა საქართველოსთან დაკავშირებით ზეპირი ანგარიშის შეფასებისას განაცხადა.

დეგნანის თქმით, 12 რეკომედაციის შესრულება რთულია, მაგრამ ყველა ძალიან მნიშვნელოვანია საქართველოს დემოკრატიური განვითარებისა და საქართველოს სისტემისთვის.

"აღინიშნა, რომ პროგრესია 12-დან 3 რეკომენდაციასთან დაკავშირებით და ისიც, რომ უფრო მეტი უნდა გაკეთდეს სხვა სფეროებში. პარლამენტის გადაწყვეტილება, რომ შეეჩერებინათ „დეოლიგარქიზაციის შესახებ“ კანონის მიღება, კარგად შეფასდა.

ვენეციის კომისიამ, ევროკომისიამ და ევროპულმა საბჭომ მკაფიოდ თქვეს, რომ არსებული სახით ეს კანონპროექტი არ უნდა იქნას მიღებული და უკეთესი გზა პოლიტიკური და ფინანსური გავლენის პრობლემების მოსაგვარებლად სისტემური რეფორმების გატარებაა. ყველას ესმის, რომ 12 რეკომედაციის შესრულება რთულია, მაგრამ ყველა ძალიან მნიშვნელოვანია საქართველოს დემოკრატიური განვითარებისა და უშუალოდ საქართველოს სისტემისთვის",- განაცხადა დეგნანმა.

შეგახსენებთ, რომ გუშინ 22 ივნისს, შვედეთში ევროკავშირის წევრი სახელმწიფოების მინისტრებმა უკრაინის, მოლდოვისა და საქართველოს პროგრესის შესახებ შუალედურ ზეპირ მოხსენებას მოუსმინეს.

როგორც მოხსენებისას ევროკომისარმა, ოლივერ ვარჰეიმ განაცხადა, ევროკავშირის 12 რეკომენდაციიდან საქართველომ სრულად 3 შეასრულა.

მისვე თქმით, პრიორიტეტების შესრულებისთვის საქართველომ უნდა დაასრულოს უხეში რიტორიკის გამოყენება და პატივი სცეს წინა პოლიტიკურ შეთანხმებებს.

ავტორი: ექსპრესნიუსი,

სოციალური ქსელები

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება