ზურაბიშვილს ევროპარლამენტში გამოსვლისას რომ ეთქვა, დაბრუნებისას გვარამიას და სააკაშვილს შევიწყალებო, ეს ძალიან მკაფიო და დასაფასებელი იქნებოდა, - ამის შესახებ ევროპარლამენტარმა პეტრას აუსტრევიჩუსმა ევროპარლამენტში საქართველოს პრეზიდენტ სალომე ზურაბიშვილის გამოსვლის შეფასებისას განაცხადა.

როგორც  აუსტრევიჩუსმა აღნიშნა, რეფორმებისა და რეკომენდაციების იმპლემენტაციის თვალსაზრისით საქართველოს მთავრობამ ცოტათი უფრო მეტი უნდა გააკეთოს.

„როდესაც მე ვუსმენ ექსპერტებს და „ენჯეოებს“ საქართველოდან, რომლებიც რეკომენდაციების შესრულებას დაბალ რეიტინგს აძლევენ, ამას ყოველთვის ვამოწმებ ექსპერტებისა და მთავრობის ანგარიშებში. მე არ ვარ მაინც და მაინც ოპტიმისტი იმასთან დაკავშირებით, რომ მთავრობა ახლა იმითაა დაკავებული, რაც საჭიროა. დრო ცოტაა და მეტი ისტორიული შანსი არ იქნება. მე არ ვფიქრობ, რომ მთავრობის მეთაურმა კომენტარი უნდა აკეთოს უკრაინის სწრაფვაზე ნატო-სკენ, როგორც მიზეზზე, რადგან ეს ისტორიის სრულიად არასწორი მხარეა. მოდი, კონცენტრირდით საკუთარ საშინაო დავალებაზე – ესაა ჩემი რჩევა“, - განაცხადა პეტრას აუსტრევიჩუსმა.

შეგახსენებთ, დღეს ბრიუსელში საქართველოს პრეზიდენტმა ევროპარლამენტს სიტყვით მიმართა. მანამდე კი ევროპული საბჭოს, ევროკომისიისა და ევროპარლამენტის პრეზიდენტებს შეხვდა.

ავტორი: ექსპრესნიუსი,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა