"ევროპული საქართველოს" თავმჯდომარე გიგა ბოკერია Freedom House-ის ანგარიშს გამოეხმაურა. როგორც გიგა ბოკერიამ აღნიშნა, ის, რაც რეჟიმის პოლიტიკის შედეგად ქვეყნის შიგნით ხდება, ეტაპობრივად ყველა ავტორიტეტული ორგანიზაციის შეფასებებში აისახება.

ბოკერიას აზრით, ქვეყანაში არსებული რეალობის შეცვლა მხოლოდ "ბიძინა ივანიშვილის რეჟიმის" ცვლილებითაა შესაძლებელი.

„ბუნებრივია, ეს აისახება ყველგან და პრობლემა ეს კი არ არის, პრობლემა არის ის, რომ ეს არის რეალობა და ამ რეალობის შეცვლა არის შესაძლებელი მხოლოდ ამ რეჟიმის დემოკრატიული ცვლილებით. ერთი მაგალითი არის 27-ში რა აქციაც არის გვარამიასთან დაკავშირებით. ქვეყანაში, სადაც ასეთი უტიფარი ბრალდებით მედია-მენეჯერი შეიძლება იჯდეს  ციხეში, რადგან მისი კომპანიის მანქანა გამოიყენა, არსებულ ვითარებას ბევრი ანალიზი აღარ სჭირდება. 

ასევე მინდა ვისარგებლო შემთხვევით და მივმართო პრეზიდენტ ზურაბიშვილს, რომელსაც ზოგჯერ უყვარს ისეთი სიტყვების თქმა, რომელიც ქართული ოცნებისგან განსხვავებით შეიცავს სწორ გზავნილებს - სიტყვები არ საჭიროა, საქმეა საჭირო, ერთადერთი ინსტრუმენტი, რომელიც მას აქვს და ქართული ოცნებას ვერ გააჩერებს არის პოლიტიკური დევნის შეწყვეტა შეწყალების სახით და გვარამიაზეც კი არ იყენებს ამას“, - თქვა გიგა ბოკერიამ.

ცნობისთვის, Freedom House-მა გამოაქვეყნა ანგარიში, რომლის მიხედვითაც, 2023 წელს საქართველოში დემოკრატიის მაჩვენებელი 34%-მდე შემცირდა.

ავტორი: ექსპრესნიუსი,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა